DRASTIKE/ Doktori mbyll brenda Këshillin Kombëtar me çelës: Doni të ikni të bëheni drejtora në PS ju, hë?

 Kliko këtu për të tjera
Voxpress:

Mazhoranca refuzon t’i heqë imunitetin Ballukut, reagon ambasada amerikane

10 Shkurt 2026, 22:16Politikë SHKRUAR NGA REDAKSIA VOX
Belinda Balluku dhe godina e ambasades se SHBA ne Tirane

Ambasada e Shteteve të Bashkuara të Amerikës në Tiranë i është përgjigjur interesimit të Neës24 lidhur me deklaratat e kryeministrit Edi Rama që u shpreh se Parlamenti nuk ka asnjë urgjencë për të kaluar në shqyrtim kërkesën e SPAK për heqjen e imunitetit të zëvendëskryeministres së pezulluar Belinda Balluku.

Ambasada amerikane shprehet se pavarësia e institucioneve të drejtësisë është thelbësore në bashkëpunimin mes dy vendeve.

“Pavarësia e institucioneve të drejtësisë në Shqipëri mbetet thelbësore për bashkëpunimin e vazhdueshëm mes Shteteve të Bashkuara dhe Shqipërisë në luftën kundër krimit ndërkombëtar”, thotë ambasada amerikane.

Por përfaqësia diplomatike e SHBA ka shmangur komentet e drejtpërdrejta lidhur me imunitetin e Balluku, duke e konsideruar atë një çështje nën hetim.

“Nuk kemi koment për çështjet ligjore që janë në proces”.

Një ditë më parë një reagim erdhi nga Brukseli për deklaratat e Ramës, lidhur me çështjen Balluku.

“Është përgjegjësi e Parlamentit të Shqipërisë që të trajtojë pa vonesë kërkesat për heqjen e imunitetit të anëtarëve të tij. Lufta efektive kundër korrupsionit është e një rëndësie thelbësore për përparimin e Shqipërisë drejt anëtarësimit në BE, gjë që është edhe pritshmëria e qytetarëve të saj”, deklaroi Komisioni Europian.

 


Në përputhje me standarded JTI

Video

SHIKO KANALIN NE YOUTUBE
×