ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Mandati i Ahmetajt / Bardhi akuza maxhorancës: Shtyrja e mbledhjes bën që autorizimi për arrestim të jepet javën tjetër

11 July 2023, 20:20Politikë SHKRUAR NGA REDAKSIA VOX
Mandati i Ahmetajt / Bardhi akuza maxhorancës: Shtyrja e mbledhjes bën
Deputeti Gazment Bardhi

Deputeti i Partisë Demokratike, Gazment Bardhi ka akuzuar maxhorancën se po favorizon ish-ministrin Arben Ahmetaj duke pranuar kërkesën e avokatëve të tij për shtyrjen e seancës së Këshillit të Mandateve për ditën e nesërme në orën 16:00.

Bardhi, i cili ishte i pranishëm në mbledhjen që zgjati mbi katër orë, tha se kjo shtyrje bën që autorizimi për arrestimin e Ahmetajt të shtyhet gjithashtu për javën tjetër.

Bardhi akuzoi gjithashtu anëtarët e opozitës se nuk kaluan në votim kërkesën që seanca për heqjen e mandatit të Ahmetajt të kryhej me dyer të hapura.

“Mbledhja filloi me një kërkesë që mbledhja të ishte me dyer të hapura. Ishte një kërkesë apo sugjerim i SPAK që të kryhej me dyer të mbyllura. Maxhoranca e mori vendimin pa votim të këshillit dhe mbledhja vijoi me dyer të mbyllura. Nuk kishte informacione të tjera shtesë, ashtu siç u paralajmërua, për t’i dhënë kohë avokatëve të Ahmetajt, të cilët e kishin bindje që ai nuk ka ikur për t’u arratisur.

Në një tentativë të paligjshme të maxhorancës u vendos shyrja, duke bërë shtyrjen e autorizimit javën që vjen. Kishte edhe dy pyetje teknike, nëse ka patur SPAK presion nga pushteti, të dyja këto çështje s’kanë lidhje me atë që ishte mbledhur Këshilli i Rregullores. Ahmetaj duhet të ishte në burg që në 2020-ën.

Ka marrë tre vite kohë, ka qenë një hetim i thelluar që është shtrirë dhe në pasurinë e tij, iu përgëzoj. Sepse ky është një standard që do duhej të aplikohej ndaj çdo zyrtari publik”, deklaroi Bardhi në përfundim të mbledhjes së Këshillit të Mandateve.


Në përputhje me standarded JTI

Video

SHIKO KANALIN NE YOUTUBE
×