“Nuk shoh asgjë të keqe”, Ori Nebiaj tregon pse nuk ishte në protestën e thirrur nga PD-ja

7 Dhjetor 2022, 09:54Politikë SHKRUAR NGA REDAKSIA VOX
Oriela Nebiaj

Deputetja më e re e PD-së Oriela Nebiaj, e cila mori mandatin e lënë nga Grida Duma, ka deklaruar në Euronews se nuk ishte e pranishme në protestën e mbajtur nga opozita. Nebiaj tha se kishte pasur disa arsye pse mungoi dje në tubimin e organizuar nga PD-ja.

Po ashtu ligjvënësja ka shtuar se ishte pro protestës dhe se kishte dëshirë që tubimi i djeshëm të ishte edhe më i madh.

Jo, nuk ishte dje në protestë me thënë të drejtën, për shumë arsye. Unë jam gjithmonë pro protestave, kam qenë gjithmonë në protesta, nuk kam lënë protestë pa shkuar. Edhe pse jo gjithmonë e kam postuar, kjo për shumë arsye, duke konsideruar edhe që ndonjëherë, kur ti je në media sidomos dhe je personazh publik, fakti që ti e di kur mund të përdoret edhe negativisht apo pozitivisht.

Isha shumë pro protestës së djeshme, madje do doja që të kishte qenë edhe më e madhe, me idenë që në fund të ditës nuk ka asgjë të keqe nëse bëhet një protestë që si mision të saj ka të bërtasë fortë ato çfarë shqiptarët i shqetësojnë. Të gjithë të jenë aty, edhe liderët që ishin dje për samitin. Nuk shoh asgjë të keqe këtu”, theksoi ajo.

Video