Gjermania jashtë Botërorit, Japonia mund Spanjën dhe kualifikohen të dyja

2022-12-01 22:06:27Sport SHKRUAR NGA REDAKSIA VOX
Festa e Japonise

Një nga mbrëmjet më të paparashikueshme të Kupës së Botës. Gjermania fiton ndaj Kosta Rikës 4-2, por paralelisht Spanja u mund nga Japonia dhe lejon aziatikët të ngjiten në krye të grupit, duke u bërë shkak në mënyrë jo të drejtpërdrejtë që 4 herë kampionët e botës të largohen për të dytin edicion rresht në fazën e grupeve të botërorit.

Në grupin E, u konsumua një dramë e vërtetë pasi Japonia dhe Gjermania kaluan të parat në avantazh, por më pas Japonia kundër iberikëve rikuperoi dhe u ngjit në krye të grupit duke e mbyllur këtë fazë në vendin e parë dhe duke peshkuar për më tej Kroacinë.

Spanja mund të gëzojë për vendin e dytë me 4 pikë pasi do të ndeshet me Marokun, duke shtruar një rrugë më të lehtë pasi nëse parashikimet respektohen, eviton në çerekfinale edhe Brazilin.

Në ndeshjen ndaj Kosta Rikës, ekipi i drejtuar nga Hansi Flick fitoi 4-2, por nuk arriti të kalonte Grupin E. Gnabry kaloi në avantazh gjermanët që në minutën e 10, por Tejeda (58’) dhe Vargas (70’) përmbysën rezultatin. Ishte Havertz që ktheu gjithçka në favor të Gjermanisë me dy gola në minutat 73 dhe 85, dhe Fullkrug në minutën e 91 për t’i dhënë Gjermanisë një fitore pa vlerë, sepse e mbylli grupin me 4 pikë po aq sa Spanja por me golavarazhin dukshëm më të keq se iberikët të favorizuar edhe nga 6 golat e shënuar ndaj Kosta Rikës.

Zhgënjim i madh për Hansi Flick në aventurën e parë të Botërorit me Gjermaninë që largohet sërish mes zhgënjimit nga një Botëror.

Video