Regjistrohet ndeshja e parë me rrjeta të paprekura në "Katar 2022"

22 Nëntor 2022, 16:07Sport SHKRUAR NGA REDAKSIA VOX
Danimarkë-Tunizi

Është regjistruar ndeshja e parë pa gola në Kupën e Botës "Katar 2022", pasi sfida Danimarkë-Tunizi e vlefshme për grupin D është mbyllur me rrjeta të paprekura.

Danimarka me kapitenin Eriksen ka zhvilluar lojë më të mirë, teksa ka humbur disa raste për gol. Minuta e 71 ka qenë më flagrante, me Cornelius që gaboi nga 30 centimetra larg, duke goditur topin keq me kokë, me topin që u stampua në shtyllë. 

Kështu, në sfidën e luajtur në stadiumin "Education City" në Al Rayyan të Katarit, Danimarka dhe Tunizia u ndanë në "paqe", duke marrë vetëm nga një pikë. Ato kanë në grup edhe Francën me Australinë që do të përballen me njëra-tjetrën sot në orën 20:00.

Video