ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Prag zgjedhjesh, Rama premton rritje pagash për mësuesit: Ja sa do të paguhen ata të 9-vjeçares dhe ata të gjimnazit

4 April 2023, 18:34Politikë SHKRUAR NGA REDAKSIA VOX
Prag zgjedhjesh, Rama premton rritje pagash për mësuesit: Ja sa do
Edi Rama me mësuesit në Tiranë

Teksa zgjedhjet lokale të 14 Majit janë në prag, kryeministri Edi Rama ka premtuar ditën e sotme rritje pagash për mësuesit

Gjatë një takimi me mësuesit në Tiranë, ku e pranishme ka qenë dhe ministrja e Arsimit Evis Kushi, kryeministri Rama deklaroi se duke filluar na prilli i vitit të ardhshëm, një mësues i shkollës së mesme do të ketë një pagë ku minimumi do të jetë 95.550 lekë, e ndërsa ato në gjimnaze 106800 lekë.

Kreu i qeverisë shtoi më tej se procesi i rritjes së pagës për mësuesit do të bëhen në 2 hapa, ku baza do të jetë në këtë nivele, e ndërsa do të ketë gjithashtu edhe një shtesë për vjetërsinë e punës që ka secili prej tyre.

“Me siguri ju e keni dëgjuar që ne kemi vendsosur të bëjmë një rritje te ndjeshme të pagave. Tani i kemi mundësitë që ta bëjmë këtë gjë. Në fund të ditës, nuk është çështje dëshire, por edhe mundësie. Kapaciteti për të qëndruar në atë kontratë, garantohet nga rritja ekonomike. Rritja që do të bëjmë lidhet me faktin që ne bëmë një rritje përtej parashikimit të pagës minimale. Pamë që mundësia e rritjes së përgjithshme të pagave u krijua sepse është shumë e rëndësishme që paga minimale të shtyjë edhe sektorin privat. Kur paga minimale rritet, duhet të bëhet i gjithë korrektimi. Kemi bërë një plan me dy hapa që do të nisë tani dhe do të mbyllet vitin e ardhshëm.

Për mësuesit dhe mjekët ishte parashikuar rritje 7%, do bëjmë rritjen 7%. Në hapin tjetër, vitin e ardhshëm, paga juaj do të kapërcejë në një tjetër nivel. Nëse sot që flasim, rritja mujore do të jetë midis 3584 për mësuesit e shkollës 9-vjeçare, 3843 për mësuesit e shkollës së mesme dhe deri në 5800 për drejtuesit, tek rritja e përgjithshme, mësuesit në shkollën 9-vjeçare do të kenë një pagë, 95,550 lekë dhe mësuesit në shkollën e mesme, do ketë një pagë 106,800 lekë. Këto janë bazat pastaj ka sipas vjetërsisë e kualifikimeve që variojnë por ky është niveli i pagës së mësuesve”, theksoi ai.


Në përputhje me standarded JTI

Video

SHIKO KANALIN NE YOUTUBE
×