ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

“Mbahu 'tigër', mos u dorëzo”, gazetari ironizon fjalimin e Ramës: Loja tashmë ka marrë një dimension të ri

14 July 2023, 20:55Politikë SHKRUAR NGA REDAKSIA VOX
“Mbahu 'tigër', mos u dorëzo”, gazetari ironizon
Kryeministri Edi Rama

Gazetari Artan Hoxha ka ironizuar fjalimin e kryeministrit Edi Rama, në reagimin e tij të parë publik që pas urdhrit të SPAK për arrestimin e ish-numrit dy të qeverisë së tij, Arben Ahmetaj.

Hoxha thotë se Rama u shfaq si rrallëherë serioz dhe pa prezencën e gazetarëve, për të shmangur pyetjet e sikletshme.

Sipas tij, “loja” brenda socialistëve ka marrë një tjetër dimension, dhe pa Ahmetajn, ruajtja e balancave do të jetë edhe më e vështirë.

Në fund, Hoxha i bën thirrje Ahmetajt, të mos dorëzohet, duke rezistuar qoftë edhe “si lepur”.

Komenti i plotë i gazetarit:

Sa herë që Padishaut i mbahet fryma, kur lexon deklarata të shkruajtura më parë dhe nuk lejon prezencën e gazetarëve për t’iu shmangur pyetjeve të sikletshme, atmosfera rrotull tij është bërë mbytëse…

Edhe pse është zhegu i meskorrikut, Padishau, si rrallherë, u shfaq serioz, i veshur me kostum për stinët më të freskëta të vitit dhe i mbërthyer deri në fyt me gravatë pa gjallesa ekzotike shumëngjyrëshe.

Dihatja e thellë gjatë leximit të deklaratës dhe vështiresia në frymarrje, tregonin qartë se loja tashmë ka marrë një dimension të ri…

Me ish-krahun e djathtë jashtë qelive të burgut dhe larg kontrollit të tij, do të jetë më e vështirë të ruajë ballancat, tashmë të zhballancuara të lukunisë së hienave që ka pas…

Mbahu “tigër”, mos u dorëzo…

Rezisto, qoftë dhe si “lepur”…

“Pemtoret me dardha” të pushtetit, nuk i rrezikojnë ulërimat e “tigrit”, por brejtjet e lëvoreve të pemëve nga “lepujt”…


Në përputhje me standarded JTI

Video

SHIKO KANALIN NE YOUTUBE
×