ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Edhe Kisha Ortodokse kundër vëllezërve Veshaj: Na fyen ikonat me muzikën e tyre

12 May 2022, 21:02Lifestyle SHKRUAR NGA REDAKSIA VOX
Edhe Kisha Ortodokse kundër vëllezërve Veshaj: Na fyen ikonat me
Kryepeshkopi Anastas Janullatos dhe Donald Veshaj

Kisha Orthodhokse Autoqefale të Shqipërisë ka reaguar lidhur me videoklipin “Picaso” të vëllezërve binjakë Romeo dhe Donald Veshaj së bashku me Elgit Dodën të realizuar në Muzeun Kombëtar të Artit Mesjetar në Korçë.

Kisha shpreh shqetësimin dhe indinjatën për përdhosjen e radhës ndaj objekteve liturgjike. Sipas Kishës, ai ambient është i papërshtatshëm, për vlerat që pasqyron, për promovimin e një lloji të tillë muzike. Në reagim thuhet se tingujt e këngës "Picaso" i fyejn objektet e shenjta dhe trashëgiminë kulturore të vendit tonë.

 Kisha Orthodhokse Autoqefale të Shqipërisë i kërkon Ministrisë së Kulturës që ai ambient t'i kthehet sërish nën administrim.\

Ky reagim vjen, pasi një avokat ngriti padi ndaj institucioneve me arsyetimin se blici i fortë i kameras për realizimin e klipit dëmton afresket.

Reagimi i Kishës Orthodhokse Autoqefale të Shqipërisë:

 

“Videoklipi muzikor “Picasso” xhiruar në Muzeun e Artit Mesjetar në Korçë, para ikonostasit të Rehovës (që padrejtësisht nuk i është kthyer akoma Kishës Orthodhokse, nën pretekstin e “ruajtjes” së kësaj trashëgimie të çmuar”), është një shenjë e dukshme mosrespektimi ndaj këtyre vlerave shpirtërore. Ky mjedis është krejt i papërshtatshëm, për vlerat që pasqyron, për promovimin e një lloji të tillë muzike.  Aty, në respekt të traditës dhe kulturës që i ka krijuar këto objekte të shenjta, do përshtateshin tingujt e Muzikës Bizantine dhe jo tinguj që i fyejnë ato dhe trashëgiminë kulturore të vendit tonë.

 

Ikonat janë objekte liturgjike të shenjta, të cilave besimtarët orthodhoksë iu afrohen me nderim dhe respekt të veçantë. Prandaj, është e papranueshme dhe e dhimbshme, që ato të trajtohen në mënyrë të papërgjegjshme nga ato institucione, të cilat pretendohet se duhet t’i ruajnë dhe t’i mbrojnë. Për këtë arsye kërkojmë përsëri, që ato t’i kthehen Kishës Orthodhokse (në bazë të Ligjit 10057, neni 22/2, datë 22.1.2009, “Marrëveshja ndërmjet Këshillit të Ministrave të Republikës së Shqipërisë dhe Kishës Orthodhokse Autoqefale të Shqipërisë”), e cila jo vetëm i ka krijuar, por edhe i ka ruajtur me mund të madh ndër shekuj. Ikonat ruhen dhe mbrohen më mirë në ambientet kishtare, sepse janë objekte të shenjta liturgjike dhe pjesë e dukshme e shprehjes së Besimit orthodhoks. Lutemi dhe shpresojmë që Ministria e Kulturës të tregohet e kujdesshme dhe e ndjeshme ndaj objekteve kishtare dhe të respektojë ndjenjat fetare të Komunitetit Orthodhoks, duke mos lejuar përdhosjen e tyre”


Në përputhje me standarded JTI

Video

SHIKO KANALIN NE YOUTUBE
×