ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Salillari shkel me kamionë objektivat e qeverisë për mjedisin, derdh inertet në lumë

17 April 2022, 20:58Fokus SHKRUAR NGA REDAKSIA VOX
Salillari shkel me kamionë objektivat e qeverisë për mjedisin,
Kryeministri Edi Rama dhe biznesmeni Pëllumb Salillari

 

Biznesmeni Pëllumb Salillari vazhdon të shpërfillë, ligjet, vendimet e qeverisë e rregulloret e tjera në fuqi në mbrojtje të mjedisit duke hedhur kuturu e natën mbetjet inerte që pastron nga veprat ku ndërtohet.

Siç shihet në këto pamje të siguruara nga Voxnews.al, mjetet e rënda me logon dhe emrin e Salillarit pasi mbushen me inerte u drejtohen zonave të pabanuara, përrenjve e lumenjve për të hedhur dherat.

Hedhja e tyre natën është një sfidë e hapur ndaj objektivit të vendosur këtë mandat nga Edi Rama, për përforcim të mbrojtjes së mjedisit. Në shtator të vitit të shkuar, kur Edi Rama nisi mandatin e tretë si Kryeministër kishte si kryefjalë dhe objektiv kryesor: mjedisin. Në tetor, Rama mblodhi të gjithë kryebashkiakët, që janë po të partisë së tij dhe i paralajmëroi se do të humbisnin postin nëse nuk pastronin territorin që kanë nën administrim.

Ai parashtroi sanksione ndaj të pabindurve, nga moslëvrimi i fondeve e granteve, që për pjesën dërrmuese të bashkive janë burimi kryesor i të ardhurave, deri në marrjen e bashkive, ose çuarjen përpara prokurorisë të kryebashkiakëve, nëse këta të fundit nuk vendosin buxhetin e nevojshëm për pastrimin.

Salillari shkel me kamionë objektivat e qeverisë për mjedisin,
Makina e Salillarit duke dal nga kantieri i Kastratit

Një tjetër pikë ishte dhe sanksionet maksimale, nga gjobat e majme deri te pezullimi i lejeve ndaj çdo biznesi që menaxhon mbetje spitalore, apo kompani ndërtimi që nuk hedhin inertet në vendet e caktuara. Pas Kryeministrit ishte ministrja e Turizmit dhe Mjedisit, Mirela Kumbaro që ngriti zërin dhe paralajmëroi masa drastike për abuzuesit.

Kjo është ajo që premtoi Qeveria Rama, por nga e thëna në të bërë është në mes një det i tërë.

Realiteti flet krejt ndryshe dhe ligji e rregullat janë të barabarta vetëm në teori. Në praktikë, masat qeverisë për mbrojtjen e mjedisit duket se janë vetëm për qytetarët e thjesht, apo për bizneset e vogla. Oligarkët e mëdhenj, ata të cilët akuzohen përditë se po i marrin dhe pikën e fundit të gjakut njerëzve, siç është edhe Pëllumb Salillari, edhe te mbetjet duan të përfitojnë.

Salillari shkel me kamionë objektivat e qeverisë për mjedisin,
Pamje kur kompania Salillari hedh inerte duke ndotur mjedisin

 

Rasti që Voxnews.al paraqet me video dhe foto, nuk është thjesht skandal, por është krim shumë i rëndë mjedisor dhe në këtë rast nuk mjafton vetëm vëmendja e Kryeministrit dhe e Qeverisë, por edhe e organeve ligjzbatuese, siç është Prokuroria e Posaçme Kundër Korrupsionit, sepse nën hundën e tyre dhe në mes të Tiranës, po kryhet kjo vepër penale.

©Copyright Vox News

Ky artikull është ekskluziv i Vox News, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Vox News dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×