OPINION nga Mamal Ermaqi/ Pse zgjodha të jem i pasur

 Kliko këtu për të tjera
Voxpress:

Policia vendos 20 mijë euro shpërblim, RENEA në ndjekje të autorit: Bëni kujdes, është i armatosur!

20 Shtator 2023, 20:52Aktualitet SHKRUAR NGA REDAKSIA VOX
Vendi i ngjajes / Autori Klerent Bozhanaj

Policia e Shtetit ka vendosur një shumë prej 20 mijë euro shpërblim për këdo që jep informacion të vlefshëm në kapjen e autorit të plagosjes së policit Edlir Alleshi mbrëmjen e sotme në Tiranë.

Në një komunikatë për mediat, policia thotë se tashmë forcat “Operacionale” të mbështetura nga RENEA po kontrollojnë zonën për kapjen e autorit, i identifikuar si 42-vjeçari Klerent Bozhanaj.

Njoftimi i policisë:

Shërbimet e Forcës së Posaçme "Shqiponja", shërbimet e Forcës së Posaçme Operacionale, Patrullat e Përgjithshme të mbështetura nga Renea, po vijojnë ndjekjen dhe kontrollin e zonës, për kapjen e personit të armatosur, shtetasit Klerent Bozhanaj, 42 vjeç, që plagosi punonjësin e Policisë, inspektor E. A.

Policia e Shtetit kërkon bashkëpunimin e qytetarëve që kushdo që ndeshet të bëjë kujdes pasi ky shtetas është i armatosur, dhe të njoftojnë menjëherë shërbimet e Policisë.

DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 20000 euro, për çdo informacion të vlefshëm që do të çojë në kapjen e autorit.

Drejtoria Vendore e Policisë Tiranë vendos në dispozicion të qytetarëve, numrin e telefonit 0694111546, duke garantuar anonimatin e plotë të çdo telefonuesi.


Në përputhje me standarded JTI

Video

SHIKO KANALIN NE YOUTUBE
×