Aksidenti në Pogradec/ Turistja italiane në gjendje të rëndë, niset me helikopter drejt Tiranës

31-vjeçarja italiane që u plagos në Pogradec është nisur me helikopter drejt Tiranës, pasi gjendja shëndetësore e saj është përkeqësuar.

Turistja ka qenë duke lëvizur me motorr kur rreth orës 4 të pasdites, ajo i ka prerë rrugën një makine, duke mbetur e plagosur rëndë.

Bashkë me të ka qenë edhe një person tjetër, gjendja e të cilit është e mirë.

Policia po vijon hetimet për zbardhjen e plotë të rrethanave të aksidentit.