VIDEO/ Argjentina e pandalshme, Messi me shokë mposhtin Kanadanë dhe arrijnë finalen e dytë radhazi në Kupën e Amerikës!

Argjentina ka mundur Kanadanë në gjysmëfinalen e parë të Kupës së Amerikës me rezultatin 2-0, me skuadrën e Scalonit që dominoi takimin nga fillimi deri në fund.

Sfida nisi mjaft mirë për kampionët e Botës në fuqi, të cilët kaluan në avantazh me anë të Alvarez në minutën e 22’ të takimit.

Goli i dytë erdhi pikërisht nga Leo Messi, i cili në minutën e 51’ i dha dhe qetësi skuadrës së tij.

Kështu Argjentina arrin finalen e dytë radhazi në këtë kompeticion, të cilin kërkon ta fitojë siç bëri përpara tre vitesh, ku ne finale kishte Brazilin, teksa tashmë do të presë fituesin e çiftit Kolumbi-Uruguai.