Juventus "piketon" blerjen e parë për sezonin e ardhshëm, ja kush është ai

Juventus duket se e ka kuptuar se në funksion të sezonit të ardhshëm do të duhet të nisë një projekt të ri.

Pasi largoi Thiago Motta-n pas shkarkimit, ajo që i mbetet klubit bardhezi është skuadra e rëndësishme e lojtarëve, sigurisht të një niveli të lartë, e cila mund të transformohet vetëm pjesërisht. Janë disa lojtarë të huazuar, por me një tarifë blerjeje shumë të lartë, mbi të gjitha Kolo Muani, Renato Veiga dhe Conceicao.

Në këtë moment, klubi, pavarësisht nëse Tudor do të konfirmohet trajner apo jo, ka “ngrirë” situatën sa i përket tre lojtarëve, përveç njërit.

Pierre Kalulu duket se është i vetmi që është i sigurt për një rikonfirmim dhe për rrjedhojë do të jetë objekt i një investimi të ri nga Juventusi.

Klubi nënshkroi me mbrojtësin francez verën e kaluar. I mbërritur pothuajse pa u vënë re në krahasim me blerjet e bujshme të Nico Gonzalez, Douglas Luiz, Koopmeiners, Thuram dhe vetë Conceicao, Kalulu bëri debutimin e tij për 'Bianconerët' përpara se të merrte përfundimisht një vend startues me paraqitje të rëndësishme. Për të tashmë klubi bardhezi është gati të paguajë shumën e kërkuar nga Milani.

Pierre Kalulu