KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Genti Ibrahimi emërohet si anëtar i Gjykatës Kushtetuese

7 December 2022, 17:42Politikë SHKRUAR NGA REDAKSIA VOX
Genti Ibrahimi emërohet si anëtar i Gjykatës Kushtetuese
Gent Ibrahimi

Presidenti Bajram Begaj ka dekretuar emërimin e Gent Ibrahimit si anëtarin më të ri të Gjykatës Kushtetuese. Ai garonte së bashku me Arta Vorpsin dhe Arta Markun, për pozicionin vakant të lënë nga Përparim Kalo.

Nga vlerësimi i Këshillit të Emërimeve në Drejtësi, Gent Ibrahimi renditej i pari me 88.38 pikë, pas tij vinte Arta Vorpsi me 88.22 pikë dhe e fundit Arta Marku me 82.66 pikë.

Gent Ibrahimi ka qenë më herët kreu i Këshillit të Lartë të Prokurorisë. Ai bëhet anëtar i 9 i Gjykatës Kushtetuese.

Njoftimi i plotë

NJOFTIM PUBLIK PËR EMËRIMIN E GJYQTARIT TË GJYKATËS KUSHTETUESE

Presidenti i Republikës, Sh.T.Z Bajram Begaj ka administruar nga Këshilli i Emërimeve në Drejtësi, Listën Përfundimtare të Renditjes së Kandidatëve të lejuar për kandidim dhe Raportin e Arsyetuar të Renditjes së tyre, për plotësimin e vendit vakant në Gjykatën Kushtetuese, vakancë e plotë, e krijuar në Gjykatën Kushtetuese të Republikës së Shqipërisë, me mbarimin e mandatit të gjyqtarit Përparim Kalo, shpallur nga Presidenti i Republikës me Dekretin nr. 13413 datë 13.01.2022.

Sipas praktikës dokumentare të dërguar,Këshilli i Emërimeve në Drejtësi, me vendimin nr. 46 datë 28.10.2022 ka vendosur miratimin e Listës Përfundimtare të Renditjes së Kandidatëve për gjyqtar në Gjykatën Kushtetuese, në vendin vakant, vakancë e plotë e shpallur nga Presidenti i Republikës në datën 13.01.2022, si më poshtë:

1.     Z. Genti Ibrahimi                            88.38 pikë

2.     Znj. Arta Vorpsi                            88.22 pikë

3.     Znj. Arta Marku                            82.66 pikë

Presidenti i Republikës, pasi u njoh dhe vlerësoi praktikën dokumentare të vendimmarrjessë Këshillit të Emërimeve në Drejtësi, si dhe duke vlerësuar nevojën për plotësimin dhe funksionimin e Gjykatës Kushtetuese, në mbështetje të neneve 93, 125 pika 1, 127 pika 3, 129, 149/d pika 1, të Kushtetutës të Republikës së Shqipërisë, neneve 7, 7/a pika 4, 7/b, të ligjit nr.8577, datë 10.02.2000, “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, me Dekretin nr. 13877,datë 7.12.2022, ka vendosur që: Z. Genti Ibrahimi të emërohet gjyqtar në Gjykatën Kushtetuese.


Në përputhje me standarded JTI

Video

SHIKO KANALIN NE YOUTUBE
×