"Po ecja në rrugë, kur më qëlluan me thikë" - Plagoset 30-vjeçari në Korçë, policia jep detajet

22 Nëntor 2026, 20:24Aktualitet SHKRUAR NGA REDAKSIA VOX

"Po ecja në rrugë, kur më qëlluan me thikë" -

Një ngjarje e rëndë ka ndodhur këtë të diele në fshatin Neviçisht në qytetin e Korçës.

Anxhelo Brisku, 30 vjeç, është plagosur në sup dhe në kurriz.

Paraprakisht mësohet se, gjatë deklarimeve të tij, 30-vjeçari ka thënë se është goditur nga disa persona, të cilët pretendon se nuk i njeh.

Pas plagosjes, Brisku është transportuar në spitalin e Korçës, ku po merr kujdesin mjekësor. Ai raportohet jashtë rrezikut për jetën.

Lidhur me ngjarjen, ka dalë me një reagim zyrtar edhe policia e cila ka nisur hetimet lidhur me plagosjen. Sipas njoftimit ngjarja ka ndodhur në rrethana ende të paqarta, gjatë një konflikti të çastit.

“Korçë/Informacion paraprak. Rreth orës 18:30, është paraqitur në spital për ndihmë mjekësore, jashtë rrezikut për jetën, shtetasi A. B., rreth 30 vjeç, i cili dyshohet se është dëmtuar me mjet prerës, në rrethana ende të paqarta, gjatë një konflikti të çastit, në rrugë, në fshatin Neviçisht.

Grupi hetimor, nën drejtimin e Prokurorisë, vijon punën për sqarimin e rrethanave të ngjarjes, identifikimin dhe kapjen e autorit/ëve”, njofton policia.


Video