ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

“Putin duket i vetizoluar”, Biden fshikullon kompanitë e karburanteve për abuzim me çmimet

31 March 2022, 20:52Kosova&Bota SHKRUAR NGA REDAKSIA VOX

“Putin duket i vetizoluar”, Biden fshikullon kompanitë e

Presidenti amerikan, Joe Biden, tha se ka informacione që situata në Kremlin është problematike, për faktin se lufta në Ukrainë nuk po shkon sipas planeve të Vladimir Putin.

“Putin duket se është vetizoluar dhe ka disa indikacione se ka pushuar dhe ka vendosur në arrest shtëpie disa nga këshilltarët e tij. Por nuk dua të spekuloj më shumë për këtë. Nuk do ta lejojmë t’i përdorë rezervat energjike të Rusisë si një armë”, tha Biden në një konferencë për mediat.

Dhe lidhur me rritjen e çmimeve të gazit dhe naftës, Biden fshikulloi kompanitë amerikane të karburanteve se po pasurohen nga konflikti në Ukrainë. “Disa kompani karburanti amerikane po rrisin prodhimin, ndërsa disa të tjerave iu pëlqen të rrisin çmimet”, denoncoi, duke kujtuar se vitin e kaluar kompanitë kryesore të sektorit gjeneruan 80 miliardë dollarë fitime.

Presidenti amerikan gjithashtu deklaroi se ka ndërmend të zhbllokojë 1 milion fuçi nafte në ditë nga rezervat amerikane dhe se priste që një gjë të tillë ta bënin edhe shtetet aleate. “Imagjinojeni nëse Europa nuk do të ishte e varur nga Rusia për gaz, gjithçka do të ishte ndryshe”, tha Biden.

Presidenti amerikan u pyet nga gazetarët lidhur me deklaratën e bërë më herët nga Shtëpia e Bardhë, sipas të cilës, Putin po keqinformohet për luftën e madje nuk po informohet as mbi ndikimin e plotë të sanksioneve tek ekonomia ruse.

Zëdhënësi i Pentagonit, John Kirby, i cilësoi si të pakëndshme vlerësime të tilla, pasi një Putin i painformuar mund të mos përpiqet t’i japë fund konfliktit, përmes negociatave të paqes.

Biden tha gjithashtu se nuk ka dëshmi të qarta nëse Rusia po largohet nga Kievi. “Jam skeptik për tërheqjen dhe rigrupimin rreth Donbasit. Deri tani nuk ka dëshmi që ta ketë bërë këtë”, u shpreh ai.

 


Në përputhje me standarded JTI

Video

SHIKO KANALIN NE YOUTUBE
×