ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

I dënuar me 15 vite burg në Shqipëri, pedofili anglez nuk vë mend dhe ngacmon fëmijët e emigrantëve afrikanë

4 July 2023, 17:26Kosova&Bota SHKRUAR NGA REDAKSIA VOX
I dënuar me 15 vite burg në Shqipëri, pedofili anglez nuk vë
Pedofili anglez Robin Arnold

Pedofili anglez Robin Arnold, i dënuar me 15 vite burg për përdhunimin e një 13-vjeçari në një fondacion bamirës në Tiranë, është burgosur sërish në Britaninë e Madhe.

Mediat britanike raportojnë se Arnold ishte liruar me disa kushte nga burgu dhe ishte regjistruar si abuzues seksual i fëmijëve.

Megjithatë, gjatë kësaj periudhe ai kishte krijuar afrimitet me disa familje emigrantësh afrikanë dhe me fëmijët e tyre pa u vënë në dukje se ishte i dënuar më parë për abuzim seksual ndaj të miturve.

Shkelja e këtij detyrimi ka bërë që një gjykatë në Britani ta dënojë tashmë 71-vjeçarin me 10 muaj burg. Sipas prokurorëve, fëmijët afrikanë e thërrisnin atë “dajo Bobi” ndërsa ai i joshte duke u berë dhurata të ndryshme.

Arnold ishte pjesë e një misioni të krishterësh kur abuzoi një 13-vjeçar në Tiranë. Ai u dënua në vitin 2010 me 15 vite e gjysmë heqje lirie, por në vitin 2012 u ekstradua për vuajtjen e dënimit në Birtaninë e Madhe.

Gjykata në atë kohë dënoi edhe Dino Kristodulun dhe David Braun pjesë e fondacionit të krishterë “Fëmijët e tij”, si dhe i shpalli “non-grata” nga Shqipëria.


Në përputhje me standarded JTI

Video

SHIKO KANALIN NE YOUTUBE
×