KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Në KLP ngrihen dyshime për cilësi të dobët të hetimeve të SPAK-ut të drejtuar nga Arben Kraja

12 May 2022, 17:49Fokus SHKRUAR NGA REDAKSIA VOX
Në KLP ngrihen dyshime për cilësi të dobët të
Arben Kraja

Arben Kraja prezantoi para Këshillit të Lartë të Prokurorisë raportin vjetor të punës së strukturës që drejton, ku mes shqetësimeve që ngritën anëtarët e KLP-së ishte edhe njëri që lidhej tërthorazi me cilësinë e hetimeve të SPAK.

Anëtari i KLP-së, Tartar Bazaj e pyeti Arben Krajën nëse i dukej normale që aksione të bujshme të policisë së shtetit dekgradohen në akuza dhe dënime vetëm për shpërdorim detyre në SPAK dhe Gjykatën e Posaçme.

Kraja u mbrojt duke thënë se SPAK nuk ka nisur asnnjë hetim për shpërdorim detyre. “Nëse ju më thoni një rast, unë jap dorëheqjen”, ishte basti i tij, duke shtuar se struktura që drejton ka sekuestruar 70 mln euro asete kriminale.

Kreu i SPAK mund të ketë të drejt në këtë pjesë. Pra, që SPAK nuk ka nisur asnjë hetim për shpërdorim detyre. Struktura, e konsideruar si artileria e rëndë e sistemit shqiptar të drejtësisë s’mund të harxhojë energji në burime njerëzore dhe financiare vetëm për akuza kaq të rëndomta.

Primare për SPAK duhet të jenë krimi i organizuar dhe korrupsioni i niveleve të larta. Akuzat që ngrihen në këto raste janë të shumëfishta dhe në rastin e korrupsionit ka brenda edhe shpërdorimin e detyrës, por si aksesor mbështetës e procedurial për të provuar fajësinë.

Megjithatë ka raste kur SPAK dështon të provojë, apo të bindë Gjykatën e Posaçme për akuzat më të rënda që ngre ndaj subjekteve që ka nën hetim dhe i gjithë investimi disamujor e shpesh disavjeçar katandiset në një vendim dënimi për shpërdorim detyre.

Rasti është ai i ish-ministrit të Brendshëm, Saimir Tahiri. Akuzat e ngritura ndaj tij SPAK i trashëgoi nga ish-Prokuroria për Krimet e Rënda. Ndër to ishin edhe dy akuza, ajo për trafik droge në kuadër të një grupit të strukturuar kriminal dhe akuza e korrupsionit.

Por, ish-Gjykata e Krimeve të Rënda e dënoi Tahirin në shtator të 2019-s, tre muaj para se të themelohej SPAK, me tre vite burg që u shndërruan në shërbim prove për ish-ministrin. Duke rrëzuar të gjitha akuzat e ngritura nga prokurorët dhe duke e rivlerësuar akuzën vetëm në ‘shpërdorim detyre’.

Vendimi u apelua dhe çështje u transferua te SPAK dhe GJKKO pas dhjetorit të 2019-s, kur ish-prokuroria e Krimeve të Rënda u shkri. Nga kjo periudhë, SPAK mori në dorën dosjen e plotë dhe bashkë me të edhe mundësinë për të rivlerësuar akuzat dhe korrigjuar e plotësuar dosjen me elementë që do t’i jepnin të drejtë në gjykatë.

Por, dy vite nuk i mjaftuan SPAK që të gjente provat e nevojshme që të bindte GJKKO për akuzat e korrupsionit dhe trafikut të drogës dhe në shkurt të këtij viti, ish-ministri u dënua sërish vetëm për shpërdorim detyre.

©Copyright Vox News

Ky artikull është ekskluziv i Vox News, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Vox News dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.


Në përputhje me standarded JTI

Video

SHIKO KANALIN NE YOUTUBE
×