Ra nga kati i tretë i pallatit në ndërtim, 30-vjeçari ndërron jetë pas 9 ditësh në spital

Ka ndërruar jetë ditën e sotme, 30-vjeçari Arbër Shakaj, i cili më datë 20 nëntor ra nga kati i 3 i një pallati në ndërtim në Vlorë. 

Sipas policisë, 30 vjeçari, ra aksidentalisht nga pallati i cili është në ndërtim dhe u dërgua drejt Tiranës, në gjendje të rëndë për një mjekim më të specializuar, por nuk ka arritur që të mbijetojë.

Ngjarja e rëndë ndodhi më 20 nëntor ndërsa një ditë më pas policia arrestoi administratorin e firmës Greze SHPK, shtetasin Leonidha Capi 42-vjeç. Për ngjarjen u procedua në gjendje të lirë Vasil Gavana 70-vjeç, me detyrë inxhinier zbatues në këtë firmë.

Dyshohet se kompania e ndërtimit nuk ka zbatuar masat e sigurisë në punë.