Plagoset me armë zjarri një 57-vjeçar në Krujë (Emri)

Një plagosje me armë zjarri është regjistruar sonte në Krujë. I plagosuri është 57-vjeçari Artan Goga, tregtar automjetesh. Autori po lëvizte me motor, kur u qëllua me pistoletë nga një person me iniciale V. M.

Në një informacion paraprak për mediat, policia tha se i plagosuri ndodhet në spital jashtë rrezikut për jetën.

“Krujë/Më datë 28.02.2024, në rrugën “Asim Zeneli”, shtetasi V. M., dyshohet se ka plagosur me armë zjarri pistoletë shtetasin A. G., 57 vjeç, i cili ndodhet në spital, jashtë rrezikut për jetën. Vijon puna për kapjen e autorit të dyshuar të ngjarjes. Grupi hetimor po punon për sqarimin e rrethanave të ngjarjes”, tha policia në një informacion paraprak për mediat.