Mbappe ndëshkohet me karton të kuq, Reali fiton me vështirësi (FOTO)

Real Madrid u rikthye te fitorja në kampionat, pasi mposhti minimalisht ndaj Alaves në transfertë, në ndeshjen e vlefshme për javën e 31 në La Liga.

Madrilenët iu falën golit të shënuar nga Camavinga në minutën e 34-t, por vuajtën jo pak për të marrë tre pikët.

Reali u detyrua të luajë me 10 lojtarë nga minuta e 38-të, kur Kylian Mbappe u ndëshkua me karton të kuq, për një ndërhyrje horror.

Në inferioritet numerik, skuadra e Ancelottit ia doli të ruajë avantazhin dhe të marrë fitoren.

Me këtë sukses, Reali mban vendin e dytë me 66 pikë, 4 më pak se Barcelona kryesuese.