LIFESTYLE / Modelja Thëngjille Kaushi pushton faqet e shtypit agro-ushqimor

 Kliko këtu për të tjera
Voxpress:

Rama: Shqipëria e para në Ballkan për performancën mjedisore

20 Korrik 2026, 13:44Politikë SHKRUAR NGA REDAKSIA VOX
Edi Rama

Kryeministri Edi Rama ka reaguar publikisht ndaj kritikave mjedisore të kohëve të fundit, duke i rrëzuar pretendimet përmes shifrave dhe renditjeve nga organizatat ndërkombëtare.

Përmes një postimi në rrjetet sociale, kreu i qeverisë theksoi se, pavarësisht “zhurmës dhe akuzave” për dëmtimin e natyrës, treguesit zyrtarë dëshmojnë të kundërtën.

Sipas treguesve të Indeksit Global të Performancës Mjedisore, Shqipëria është renditur e para në Ballkanin Perëndimor dhe e 46-ta në botë mes 177 shteteve të analizuara, duke shënuar progresin më të lartë në rajon gjatë dekadës së fundit.

Veçanërisht, në lidhje me zbutjen e ndryshimeve klimatike, Shqipëria mban vendin e 21-të në shkallë globale.

“Për javë të tëra u krijua përshtypja se Shqipëria ishte kthyer në armiken e natyrës së vet. U thanë shumë gjëra, u shkruan edhe më shumë. U ndanë miliona imazhe, akuza dhe gjykime dhe, bindje të cekëta, dhe për një çast u duk se zhurma triumfoi mbi realitetin, por realiteti flet.

Indeksi më prestigjioz global për performancën mjedisore sapo e ka renditur Shqipërinë të parën në Ballkanin Perëndimor, të 46-ën nga 177 vende në botë, me progresin më të lartë në rajon përgjatë 10 viteve të fundit.

Ndërsa për zbutjen e ndryshimeve klimatike Shqipëria renditet e 21-ta në botë dhe këto nuk janë vlerësimet që ne i kemi bërë vetes, larg qoftë! Por janë vendimet e institucioneve ndërkombëtare dhe akademike, të cilat prej një çerek shekulli masin me konsensus global, me të njëjtën metodologji, performancën mjedisore të vendeve të botës”, tha Rama.


Në përputhje me standarded JTI

Video

SHIKO KANALIN NE YOUTUBE
×