MANUAL/ Si të shpalosni erudicionin pa thënë asgjë tuajën, kur komentoni për çështje madhore!

 Kliko këtu për të tjera
Voxpress:

Rama paralajmëron kryetarin e Dhomës Amerikane: Kush e pengon projektin e “Porto Romanos”, i ka bërë llogaritë gabim!

9 Mars 2026, 11:57Politikë SHKRUAR NGA REDAKSIA VOX
Edi Rama

Kryeministri Edi Rama teksa renditi projektit e mëdha infrastrukturore u ndal edhe tek projekti për Porto Romanon, për të cilën Dhoma Amerikane e Tregtisë kërkoi rishikim te tenderit.

Në fjalën e tij para Grupit Parlamentar të PS, Rama deklaroi se “e di se kush kërkon që të bllokojë këtë projekt", ndërsa theksoi se “vetëm për BE nuk ka plan B, për cdo gjë tjetër është tek C”.

Ai deklaroi se Porto Romano është një nga proceset me të ndërlikuara që qeveria ka bërë.

Rama: Dua të them dy fjalë për Porto Romanon. Është një nga proceset me të ndërlikuara që ne kemi bërë. Është një plan strategjik që ka krijuar edhe xhelozi. Xhelozitë janë të zakonshme mes vendeve që janë në stade të caktuara zhvillimi.

Një proces shumë i sofistikuar me projektin e studios më të madhe në botë dhe me reputacionin më absolut në botë për ndërtimin e infrastrukturës, një garë e jashtëzakonshme me pjesëmarrje nga të gjitha anët, por i monitoruar nga konsulenti Royal Haskoning dhe armiqësi ndaj projektit.

Nuk do flas gjatë, por një gjë do ta them: Ata që e luftojnë projektin, ata që nuk po lënë gurë pa luajtur për ta bllokuar projektin dhe ne i dimë kush janë. I kanë bërë llogaritë gabim sepse projekti do bëhet. Unë nuk kam plan B vetëm për Bashkimin Evropian, për çdo gjë tjetër jam të C.

Kujtojmë se Kreu i Dhomës Amerikane e Tregtisë në Shqipëri, Grant Van Cleeve, i ka drejtuar një letër publike kryeministrit Edi Rama dhe disa zyrtarëve të lartë të qeverisë, ku kërkon shtyrjen e tenderit për portin e Porto Romanos në Durrës.

Në letrën e tij, Van Cleeve e cilësonte projektin si një vendim strategjik dhe paralajmëron se projekti aktual i portit është shumë i kufizuar për të shfrytëzuar potencialin strategjik të Shqipërisë në rajon.

Sipas tij, nëse porti ndërtohet me përmasat e planifikuara aktualisht, vendi rrezikon të humbasë mundësinë për t’u bërë një qendër kryesore logjistike në Ballkan.


Në përputhje me standarded JTI

Video

SHIKO KANALIN NE YOUTUBE
×