Fati i "Vulës së PD’, Apeli do të vendosë sot nëse i takon Bashës apo Berishës

11 Qershor 2024, 08:00Politikë SHKRUAR NGA REDAKSIA VOX
Lulzim Basha dhe Sali Berisha

Gjykata e Apelit në Tiranë do të mblidhet sot në orën 10:00 për të vendosur se cila palë ka të drejtë të quhet Partia Demokratike.

Trupi gjykues përbëhet nga relatore Alma Ahmeti e anëtarë Iliba Bezati dhe Elona Toro.

Vendimi që do të marrë kjo treshe gjyqësore do të jetë një vendim i formës së prerë.

Të dyja palët kanë pohuar dje se nuk do të kenë kërkesa shtesë, çka do të çonte në shtyrjen e seancës e rrjedhimisht edhe vendimit për vulën e PD.

Prej dy vite e gjysmë vijon beteja për vulën e Partisë Demokratike mes demokratëve të Lulzim Bashës dhe Sali Berishës me shpresën për një vendim final që do të zgjidhë njëherë e mirë fatin ligjor të partisë më të madhe opozitare.

Video