E akuzoi Albin Kurtin si fashist, Berisha merr në mbrojtje Richard Grenell: E ka personale
5 August 2022, 17:55PolitikëSHKRUAR NGA REDAKSIA VOX
Sali Berisha
Kryetari i Partisë Demokratike, Sali Berisha, edhe pse hiqet si mbështetës i Kosovës, për interesat e tij personale duket se e harron patriotizmin, si në rastin e Richard Grenell që e tregoi haptazi përkrahjen e tij ndaj Beogradit.
Gjatë konferencës së sotme për mediat, Sali Berisha u pyet nga A2 CNN për deklaratën e republikanit amerikan Richard Grenell, i cili e quajti fashist kryeministrin e Kosovës, Albin Kurtin, pas vendimit për reciprocitetin.
Kreu i Partisë Demokratike mori në mbrojtje kryeministrin e Kosovës, teksa deklaratat e Grenellit i quan si qëndrim personal ndaj Kurtit.
“Ka një problem të njohur midis Albin Kurtit dhe Grenellit. Nuk i di hollësitë. Albin Kurti nuk është fashist. Nëse Edi Rama është sjellë si vasal i Vuçiçit, unë jam rreshtuar në krahun e qeverisë së Kosovës, ashtu si edhe komuniteti ndërkombëtar. Unë e kam mbështetur marrëveshjen e Shtëpisë së Bardhë, që nuk i zgjidhte të gjitha problemet, por mund të ndikonte pozitivisht për marrëveshjen përfundimtare”, tha Berisha.
