Influencer-ja italiane në qendër të kritikave, heq të brendshmet dhe i var te dera e Kishës: Do rrëfej mëkatet!

29 Shkurt 2024, 12:31Lifestyle SHKRUAR NGA REDAKSIA VOX

Shumë trende që bëhen virale dhe përqafohen nga influencerët në rrjetet sociale shpesh janë kritikuar për dhunën, vulgaritetin dhe gjuhën e përdorur.

Në lumin e kritikave ka përfunduar së fundmi një video e publikuar në Instagram nga një influencere italiane. Ajo para se të hyjë në kishën Santa Lucia di Fonte Nuova, heq mbathjet, i var në një parmak pranë derës dhe me ironi thotë se “do të rrëfej mëkatet”.

Videoja ka ndezur indinjatën e besimtarëve të krishterë dhe famulltarit të kishës së ndodhur në një provincë të Romës, i cili e ka denoncuar aktin.

Me një shënim të publikuar në Facebook, prifti Don Massimo Marchetti shkruan: “Në lidhje me videon që po qarkullon aktualisht në disa rrjete sociale e bërë në hyrje të Famullisë sonë, Komuniteti i Famullisë, duke shprehur kundërshtimin më të fortë për pamjet që nuk respektojnë shenjtërinë e vendit dhe për shkak të referencës së papërfillshme të sakramentit të rrëfimit, procedoi me referimin e fakteve pranë Autoritetit Gjyqësor kompetent. Është shumë e dhimbshme të theksohet se për të fituar shikueshmëri mediatike, thyhen rregullat themelore të respektit për vendet dhe njerëzit”.

Video