KOMENT nga I GJATI / Do të zgjidhësh një problem? Mos kërko zgjidhjen, por zhduk problemin!

 Kliko këtu për të tjera
Voxpress:

Rusia po përdor armë kimike në Ukrainë, rrezik edhe për pjesën tjetër të Evropës dhe botën

5 Korrik 2025, 14:22Kosova&Bota SHKRUAR NGA REDAKSIA VOX

Sipas Shërbimit Sekret Gjerman BND dhe dy agjencive holandeze të shërbimit sekret MIVD dhe AIVD, raportojnë se Rusia po rrit përdorimin e armëve kimike në Ukrainë.

Njoftimet për përdorimin e kloropikrinës, një lëndë kimike luftarake që dëmton mushkëritë, i konfirmoi edhe vetë qeveria gjermane.

Ekspertët pohojnë se në përqendrime të larta dhe në ambiente të mbyllura kloropikrina, e cila është përdorur edhe gjatë Luftës së Parë Botërore, mund të ketë pasoja vdekjeprurëse.

Zëdhënësi i ekzekutivit gjerman Stefan Kornelius, pohoi se përdorimi i gazit lotsjellës dhe i armëve të tjera kimike nga Rusia në luftën në Ukrainë, përbën shkelje të rëndë marrëveshjes për ndalimin e përdorimit të lëndëve kimike.

Kjo situatë nuk e ka lënë indiferente as Holandën, me ministrin e mbrojtjes Ruben Brekelmans, që informoi Parlamentin në Hagë për faktin se përdorimi i armëve të tilla nga forcat e Moskës po bëhet tashmë në shkallë të gjerë dhe në mënyrë sistematike.

“Ky është një zhvillim i rrezikshëm, krejtësisht i papranueshëm dhe tregon edhe një herë brutalitetin e agresorit me të cilin po përballet Ukraina” – tha ai.

Përdorimi i armëve kimike në konflikte nga Rusia është gjithashtu rrezik për “pjesën tjetër të Evropës dhe për botën”, tha Brekelmans.

Ministri ukrainas i Mbrojtjes deklaroi se Rusia ka përdorur deri tani mbi 9,000 herë armë kimike kundër trupave ukrainase. Sipas Kievit të paktën tri vdekje mund t’u atribuohen drejtpërdrejt efekteve të armëve kimike.

Video

SHIKO KANALIN NE YOUTUBE
×