KOMENT nga I GJATI / Do të zgjidhësh një problem? Mos kërko zgjidhjen, por zhduk problemin!

 Kliko këtu për të tjera
Voxpress:

“Arritëm objektivin për eliminimin e kërcënimit bërthamor”, Izraeli konfirmon armëpushimin me Iranin

24 Qershor 2025, 08:39Kosova&Bota SHKRUAR NGA REDAKSIA VOX
Benjamin Netanjahu

Qeveria izraelite ka njoftuar se është pajtuar me propozimin e Presidentit amerikan Donald Trump për vendosjen e një armëpushimi me Iranin, pas tensioneve të rritura mes dy vendeve.

Në një deklaratë të lëshuar nga zyra e Kryeministrit Benjamin Netanjahu, thuhet se Izraeli do t’i qëndrojë marrëveshjes për armëpushim, por paralajmëron se do të reagojë “me forcë” ndaj çdo shkeljeje të saj nga ana e Iranit.

“Ne kemi arritur objektivin tonë strategjik për të eliminuar kërcënimin bërthamor dhe balistik të regjimit iranian,” – thuhet në deklaratë. Po ashtu, qeveria izraelite falënderon Presidentin Donald Trump për “mbështetjen në mbrojtje dhe pjesëmarrjen aktive në arritjen e kësaj marrëveshjeje historike.”

Kryeministri Netanjahu pritet të mbajë një deklaratë publike më vonë gjatë ditës, ku pritet të japë më shumë detaje mbi marrëveshjen dhe hapat e ardhshëm.

 

Video

SHIKO KANALIN NE YOUTUBE
×