KRONIKË NË ASFALT/ Shkëlqimi dhe rënia e Bella B.

 Kliko këtu për të tjera
Voxpress:

FOTOT E PROJEKTIT\ Tirana si Nju Jorku, me dy kulla binjake qiellgërvishtëse në Rrugën e Kavajës!

4 Nëntor 2025, 19:51Investigim SHKRUAR NGA REDAKSIA VOX
Tirana si Nju Jorku, me dy kulla binjake qiellgërvishtëse në Rrugën e Kavajës

Ndërtime shumë të vjetra të viteve ‘50 apo ‘60, të zëvendësuara nga ndërtimet kaotike të pas viteve ’90 dhe së fundmi nga ndërtesat e larta po e kthejnë Tiranën si Nju Jorku. Por sipërfaqet e gjelbra kanë mbetur me pikatore, teksa “kufiri” i ndërtuesve është vetë qielli.

Vitet e fundit janë dhënë qindra leje për kulla të larta, të ndërtuara edhe në zonat më elitare apo edhe midis ansamblit të godinave qeveritare, duke e kthyer Tiranën sërish më kaotike sesa në vitet 2000. Për të mos përmendur edhe infrastrukturën e cila ka mbetur po ajo, megjithëse kryeqyteti është dhjetëfishuar për nga numri i popullsisë.

Dhe, në gjithë këtë valë, ja ku vjen një tjetër projekt gjigand, i cili do të ndërtohet në nja nga zonat më të populluara, përgjatë Rrugës së Kavajës.

FOTOT E PROJEKTIT Tirana si Nju Jorku, me dy kulla binjake

FOTOT E PROJEKTIT Tirana si Nju Jorku, me dy kulla binjake
Projekti i kullave që do të ndërtohen pranë Rrugës së Kavajës në Tiranë

VoxNews ka siguruar fotot e projektit të radhës të dy qiellgërvishtësve që do të ndërtohen pranë Rrugës së Kavajës. Bëhet fjalë për kompleksin e kullave binjake.

Projekti është reklamuar nga firma që i projektoi, e cila shkruan se projekti është “një organizëm i ri i gjallë ngjitur me bulevardin më të rëndësishëm të Tiranës, duke prezantuar një dialog të ri midis arkitekturës, hapësirës publike dhe mjedisit natyror të qytetit”.

“I konceptuar si një rizom mineral që lulëzon nga toka, projekti del nga një matricë që organizon si strukturën ashtu edhe peisazhin, e ndjekur nga një grumbull i dendur kolonash që lidhin vizualisht dhe fizikisht kullat me sheshet përreth dhe hapësirat e gjelbra. Ky dizajn nxit një ndërveprim organik midis mjedisit të ndërtuar dhe jetës publike, duke krijuar një rrjedhë të vazhdueshme midis hapësirave të brendshme dhe të jashtme”, shkruan kompania projektuese.

Sipas saj, kompleksi integron me kujdes hapësirat e shitjes me pakicë, hapësirat e zyrave, një hotel, njësi banimi dhe një gamë të gjerë lehtësirash publike dhe private.

FOTOT E PROJEKTIT Tirana si Nju Jorku, me dy kulla binjake

FOTOT E PROJEKTIT Tirana si Nju Jorku, me dy kulla binjake
Në foto: Projekti i kullave që do të ndërtohen pranë Rrugës së Kavajës në Tiranë

Projekti do të ketë qendra tregtare, apo edhe dyqane ekskluzive qiellore dhe një restorant në çati, të cilat do të ofrojnë pamje gjithëpërfshirëse dhe panoramike të Tiranës. 

Por, kush do t’a ndërtojë? Firma projektuese “Coldefy” shkruan se klienti është “glob3x.al”. Nëse do të shkosh të faqja e internetit të kësaj kompanie, rezulton se edhe ajo e ka reklamuar projektin në fjalë.

FOTOT E PROJEKTIT Tirana si Nju Jorku, me dy kulla binjake
Në foto: Faqja e internetit të kompanisë “Glob3X”, e cila e ka reklamuar projektin

I njëjti projekt është reklamuar edhe nga faqja e internetit e kompanisë “Glob3X”. Ajo shkruan se kullat do të ndërtohen së shpejti, ndërkohë që nuk jep detaje nëse e njëjta firmë ka marrë ose jo leje nga Këshilli Kombëtar i Territorit dhe Ujit. E njëjta firmë ka marrë leje nga KKT për një projekt në zonën e 5 majit, apo edhe në rrugën Zenel Bastari.

FOTOT E PROJEKTIT Tirana si Nju Jorku, me dy kulla binjake

FOTOT E PROJEKTIT Tirana si Nju Jorku, me dy kulla binjake
Faksimile: Pronarët e firmës janë Skënder dhe Visjan Dedja

Sipas Qendrës Kombëtare të Biznesit, klientët e projektit në fjalë të kullave të stërmëdha binjake në Tiranë, janë Skënder dhe Visjan Dedja. Skënderi ka qenë themelues i firmës, teksa aktualisht ai mban 49 % të aksioneve dhe 51 i ka Visjani.

©Copyright Vox News

Ky artikull është ekskluziv i VoxNews, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar VoxNews dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×