Zjarr i madh në malet e Bulqizës, digjen dhjetra hektarë pyje dhe kullota

Një vatër e madhe zjarri ka shpërthyer sot në malet e fshatit Koçaj të njësisë administrative Fushë-Bulqizë, duke djegur sipërfaqe të mëdha.

Zjarri ka rënë në malin e quajtur "Livadhet e Karajt" dhe është përhapur me shpejtësi për shkak të erës së fortë.

Disa dhjetra hektarë pyje dhe kullota janë djegur, ndërsa ndërhyrja bëhet e vështirë për shkak të terrenit të thyer.

Policia ka nisur hetimet pasi dyshohet për zjarrvënie të qëllimshme.