Shpërthen në flakë banesa te "Misto Mame" në Tiranë

Një banesë private është përfshirë nga flakët, pak çaste më parë në lagjen "Misto Mame" në Tiranë.

Sipas policisë, paraprakisht dyshohet se shkak i zjarrit është bërë defekti në një bombol gazi. Për fat të mirë nuk raportohet për persona të lënduar.

"Më datë 17.09.2023, rreth orës 14:35, në lagjen "Misto Mame", dyshohet se si pasojë e një defekti në bombulën e gazit, ka rënë zjarr në një banesë private.

Në vendngjarje ndodhen shërbimet e zjarrfikëses dhe të Policisë, të cilat po punojnë për fikjen e zjarrit.

Grupi hetimor ndodhet në vendngjarje dhe po punon për sqarimin e rrethanave të ngjarjes", bën me dije policia.