Kamioni përplas ambulancën në aksin Lushnje-Fier, vdes pacienti

Një person raportohet se ka mbetur i vdekur pas një aksidenti të rëndë në kryqëzimin e autostradës Lushjne-Fier.

Sipas informacioneve paraprake, në aksident është përfshirë një kamion dhe një ambulancë.

Bëhet me dije se nga përplasja e fortë ka ndërruar jetë pacienti që po transportohej me ambulancë.

Forca të shumta policie ndodhen në vendngjarje dhe po punojnë për zbardhjen e shkaqeve të aksidentit.