U përplas me kamionin, ndërron jetë shoferi i “Chevrolet”-it në Korçë, rëndë pasagjeri

Ka ndërruar jetë një 35-vjeçar, si pasojë e një aksidenti automobilistik në aksin rrugor Korçë-Pogradec.

Policia bën me dije se makina me të cilën ai po udhëtonte është përplasur me një kamion. Për pasojë shoferi 35-vjeçar ka ndërruar jetë ndërsa pasagjeri ndodhet në spital nën kujdesin e mjekëve.

Njoftimi i Policisë:

Rreth orës 17:05, në aksin rrugor "Korçë- Pogradec" në afërsi të fshatit Bulgarec, një kamion me drejtues shtetasin I. P.,  është përplasur me një automjet tip "Chevrolet".

Si pasojë e përplasjes ka ndërruar jetë shtetasi K. N., rreth 35 vjeç,  drejtuesi i automjetit tip "Chevrolet", dhe ka  ngelur i  dëmtuar pasagjeri në këtë mjet shtetasi E. Dh.,  i cili ndodhet në spital nën kujdesin e mjekëve.

Grupi hetimor ndodhet në vend ngjarje për zbardhjen e rrethanave  dhe shkakut të aksidentit.