ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

U emërua si ministre Shëndetësie, Spahiu: Do çoj përpara çdo angazhim

3 September 2026, 21:01Aktualitet SHKRUAR NGA REDAKSIA VOX
U emërua si ministre Shëndetësie, Spahiu: Do çoj
Klodiana Spahiu

Kryeministri Edi Rama zgjodhi sot Klodiana Spahiun si pasuesen e Evis Salës, në krye të Ministrisë së Shëndetësisë.

Pas këtij hapi ka reaguar vetë Spahiu, e cila ka falënderuar kreun e qeverisë për besimin, ndërsa thotë se do të punojë për të çuar para çdo angazhim në krye të këtij institucioni.

“Së pari, falënderim për Kryeministrin Edi Rama për besimin e dhënë në propozimin si Ministre e Shëndetësisë dhe Mirëqenies Sociale. Shumë mirënjohëse dhe me dëshirën e madhe për të çuar përpara çdo angazhim.

Falënderim për Profesore Evis Sala, për gjithë punën e bërë dhe kontributin e dhënë në këtë Ministri.

Një falënderim edhe për të gjithë ata që më kanë dërguar mesazhe pa fund urimi, miq e të njohur dhe shumë miq të tjerë virtualë.Në pamundësi për t’ju kthyer të gjithëve përgjigje, ju them vetëm: FALEMINDERIT NGA ZEMRA! “, shkruan ajo.

Ndërkohë, kryeministri Rama ka dërguar emrin e Klodiana Spahiut në presidencë, ku pritet të dekretohet nga presidenti Bajram Begaj.

Më tej, emri i Spahiut do i përcillet parlamentit, ku do votohet në seancë plenare.

Pas miratimit në Kuvend, Klodiana Spahiu bën betimin dhe merr zyrtarisht postin e ministres së Shëndetësisë.

 


Në përputhje me standarded JTI

Video

SHIKO KANALIN NE YOUTUBE
×