Kishte konsumuar fotoksinë, ndërron jetë në spitalin e Korçës 44-vjeçari

Një ngjarje e rëndë është regjistruar në Korçë. Autoritetet policore bëjnë me dije se në spitalin e qytetit juglindor ka ndërruar jetë shtetasi F. S., 44 vjeç, lindur në Poloskë, Devoll dhe banues në Tiranë.

Sipas burimeve zyrtare, nga hetimet e para rezultoi se ky shtetas kishte konsumuar në Bilisht, lëndë të dyshuar helmuese fotoksinë. Sipas deklarimeve të marra nga familjarët, 44-vjeçari shfaqte probleme të shëndetit mendor.

Materialet i kaluan Prokurorisë pranë Gjykatës së Rrethit Gjyqësor Korçë, për veprime të mëtejshme.