KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

"Bazë lufte, miliona lekë dhe drogë", arrestohet miku i Talo Çelës, kush është Aqif Bezati (FOTO+VIDEO)

14 October 2022, 17:21Aktualitet SHKRUAR NGA REDAKSIA VOX
"Bazë lufte, miliona lekë dhe drogë", arrestohet miku i
Talo Çela

Personi që shihni në foton e mëposhtme së bashku me Talo Çelën është Aqif Bezati, i arrestuar nga Policia e Elbasanit pasi në banesën e tij u gjetën armë, municione drogë e shuma të konsiderueshme parash. Në pranga përfundoi dhe Veli Deliu 54 vjeç, mik i 60-vjeçarit, që gjithashtu iu gjetën armë e municione në banesë.

"Bazë lufte, miliona lekë dhe drogë", arrestohet miku i
Talo Çela dhe Aqif Bezati

Ishte pikërisht Aqif Bezati që u mbajt në vëzhgim nga blutë e Elbasanit, të cilët gjatë hetimit kanë mësuar se 60-vjeçari në banesë mbante sende të jashtëligjshme.

Burime për TV Klan nga grupi hetimit bëjnë me dije se Bezati është lidhje shoqërore e Talo Çelës, person ky i shumëkërkuar nga drejtësia shqiptare.

Nga hetimet ka rezultuar se 60-vjeçari nga fshati Dëshiran i Belshit ishte i përfshirë në veprimtarinë kriminale të kultivimit, prodhimit dhe shitjes së lëndëve narkotike.

Në banesën e Aqif Bezatit uniformat blu kanë gjetur: një armë zjarri kallashnikov, një pistoletë, 6 granata dore, 3280 fishekë pistoletë dhe kallashnikovi, 5 krehra fishekësh, 3.6 kilogramë kanabis, 75 bimë të thata të dyshuara opium. Kjo bimë është tejet e veçantë pasi nga përpunimi i saj prodhohet heroina.

Gjithashtu, në banesën e Aqif Bezatit janë gjetur dhe sekuestruar edhe 3.760.000 lekë të rinj, 5000 paund dhe 8950 euro, të cilat dyshohet se ky shtetas i ka përfituar nga veprimtaria kriminale në fushën e narkotikëve dhe të trafikimit të armëve.

Njoftimi i Policisë për ngjarjen:

Finalizohet operacioni policor i koduar “Dëshiran”, i zhvilluar nga strukturat hetimore dhe Forca e Posaçme “Shqiponjat”, të DVP Elbasan, në bashkëpunim me Prokurorinë pranë Gjykatës së Rrethit Gyqësor Elbasan.

Sekuestrohen arsenal armësh, municion luftarak, shuma të konsiderueshme parash, të valutave të ndryshme, lëndë narkotike kanabis dhe opium.

Vihen në pranga 2 shtetas.

Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve dhe të armëmbajtjes pa leje, si dhe mbështetur në inteligjencën operative, shërbimet e Policisë finalizuan me sukses operacionin policor të koduar “Dëshiran”.

Në kuadër të këtij operacioni u kapën dhe u arrestuan në flagrancë shtetasit:
A. B., 60 vjeç dhe V. D., 54 vjeç, të dy banues në fshatin Deshiran, Belsh.

Gjatë kontrollit në banesën e shtetasit A. B. janë gjetur dhe sekuestruar: një armë zjarri kallashnikov, një pistoletë, 6 granata dore, 3280 fishekë pistoletë dhe kallashnikovi, 5 krehra fishekësh, 3.6 kilogramë kanabis, 75 bimë të thata të dyshuara opium.

Gjithashtu, në banesën e shtetasit A. B. janë gjetur dhe sekuestruar edhe 3.760.000 lekë të rinj, 5000 paund dhe 8950 euro, të cilat dyshohet se ky shtetas i ka përfituar nga veprimtaria kriminale në fushën e narkotikëve dhe të trafikimit të armëve.

Në vijim, shërbimet e Policisë kanë ushtruar kontroll në banesën e shtetasit V. D., i cili ka lidhje shoqërore me shtetasin A. B. Në këtë banesë janë gjetur dhe sekuestruar një armë gjahu dhe 55 fishekë arme gjahu, të cilat shtetasi V. D. i mbante pa leje.

Nga hetimet e kryera ka rezultuar se shtetasi A. B. ushtronte veprimtari kriminale në fushën e kultvimit, prodhimit dhe shitjes së lëndëve narkotike.

Nën drejtimin e Prokurorisë vijon puna për dokumentimin e plotë të kësaj veprimtarie kriminale, identifikimin dhe kapjen e personave të tjerë të përfshirë.

Materialet procedurale u referuan në Prokurorinë pranë Gjykatës së Shkallës së Parë Elbasan, për veprat penale "Mbajtja pa leje dhe prodhimi i armëve, armëve shpërthyese dhe i municionit", "Prodhimi dhe shitja e narkotikeve" dhe "Pastrimi i produkteve të veprës penale ose veprimtarisë kriminale", në ngarkim të shtetasit A. B., si dhe për veprën penale "Prodhimi dhe mbajtja pa leje e armëve të gjuetisë dhe sportive", në ngarkim të shtetasit V. D.


Në përputhje me standarded JTI

Video

SHIKO KANALIN NE YOUTUBE
×