MALLËNGJYESE/ Ministrja ia dorëzon me mirënjohje Urdhrin e teto Ollgës Të Gjatit

 Kliko këtu për të tjera
Voxpress:

'SPAK të hetojë dyshen Balluku-Verdho'/ Bardhi denoncon SKANDALIN 5 milionë euro në tenderin e Digës së Zadejës!

1 Shtator 2025, 12:22Politikë SHKRUAR NGA REDAKSIA VOX
Gazment Bardhi/ Belinda Balluku

Kreu i Grupit Parlamentar të Partisë Demokratike, Gazment Bardhi, ka publikuar një akuzë  ndaj ministres së Infrastrukturës Belinda Balluku duke e akuzuar për abuzim me fondet publike në një tender prej 8.13 milionë euro për ndërtimin e paneleve diellore në Digën e Zadejës.

Në një postim në rrjetet sociale, Bardhi shkruan se dëmi i shkaktuar buxhetit të shtetit kap vlerën e të paktën 5 milionë euro, ndërsa thekson se këtë paligjshmëri e provon edhe një tender i zhvilluar nga vetë SPAK në gusht të këtij viti.

Bardhi u bën thirrje prokurorëve të SPAK që po hetojnë këtë çështje që të veprojnë pa vonesë dhe të nxjerrin para përgjegjësisë penale Belinda Ballukun dhe Ergys Verdho, për dëmin e shkaktuar buxhetit të shtetit.

“Dokumentet e tenderit të zhvilluar nga SPAK në gusht 2025, të cilat pavarësisht se prokurorët e posaçëm i kanë, do t’ua vëmë sërish në dispozicion, përbëjnë provën e pakundërshtueshme të paligjshmërisë, abuzimit dhe korrupsionit në sektorin e energjisë elektrike, me autore Belinda Ballukun dhe vartësit e saj, drejtues të kompanive publike. Vetë SPAK-u ka arritur të provojë përtej çdo dyshimi të arsyeshëm se ndodhemi së paku në kushtet e veprës penale të “Shpërdorimit të detyrës”.”, shkruan Bardhi.

Denoncimi i Bardhit:

PALIGJSHMËRIA DHE ABUZIMI I BELINDA BALLUKUT ME 5 MILION EURO PROVOHET NGA NJË TENDER QË KA REALIZUAR VETË SPAK NË GUSHT 2025!

Në 4 nëntor 2024, kam kallëzuar në SPAK tenderin korruptiv për ndërtimin e paneleve diellore në Digën e Zadejës, me vlerë 8.13 milionë euro, që mban firmën e Belinda Ballukut dhe vartësit të saj, Ergys Verdho, duke i shkaktuar Buxhetit të Shtetit një dëm prej të paktën 5 milionë euro që dihet se në xhepat e kujt kanë përfunduar.

Konkretisht, kompania fituese e tenderit do të ndërtonte kapacitetin prej 1 MWp për vlerën 985 mijë euro, ndërsa e njëjta kompani në sektorin privat kishte ndërtuar të njëjtin kapacitet për vlerën 365 mijë euro ose 620 mijë euro më pak. Pra, nëse panelet diellore në Digën e Zadejës do të ndërtoheshin me të njëjtat çmime si në sektorin privat, atëherë Buxheti i Shtetit do të kursente së paku 5 milionë euro.

Por, paligjshmëria dhe abuzimi në këtë procedurë prokurimi publik provohen edhe nga një tender që ka realizuar vetë SPAK në gusht 2025 për ndërtimin e paneleve diellore në tarracën e institucionit. Konkretisht, SPAK ka shpallur tenderin me fond limit 80 mijë euro për 180 kWp ose 444.4 euro për kWp. Ndërsa, në tenderin e organizuar nga dyshja Balluku-Verdho, një kWP i kushton Buxhetit të Shtetit 985 euro, më shumë se dyfishi i kostos së SPAK.

Nëse tenderi për ndërtimin e paneleve diellore në Digën e Zadejës do të zhvillohej nga SPAK, atëherë ky projekt do t’i kushtonte Buxhetit të Shtetit 3.6 milionë euro ose 4.5 milionë euro më pak se sa i ka kushtuar dyshes korruptive Balluku-Verdho, duke provuar kështu dëmin e rëndë që i është shkaktuar Buxhetit të Shtetit, parave të taksaguesve shqiptarë, me qëllim përfitimin e paligjshëm të kompanive private të lidhura me këtë dyshe.

Dokumentet e tenderit të zhvilluar nga SPAK në gusht 2025, të cilat pavarësisht se prokurorët e posaçëm i kanë, do t’ua vëmë sërish në dispozicion, përbëjnë provën e pakundërshtueshme të paligjshmërisë, abuzimit dhe korrupsionit në sektorin e energjisë elektrike, me autore Belinda Ballukun dhe vartësit e saj, drejtues të kompanive publike. Vetë SPAK-u ka arritur të provojë përtej çdo dyshimi të arsyeshëm se ndodhemi së paku në kushtet e veprës penale të “Shpërdorimit të detyrës”.

Prandaj, thirrja ime për prokurorët e SPAK që po merren me hetimin e kësaj afere korruptive, është të veprojnë menjëherë dhe pa vonesë për të konkluduar hetimet e tyre dhe për të nxjerrë përpara përgjegjësisë ligjore dyshen Balluku-Verdho për veprimet dhe mosveprimet e tyre të paligjshme me pasoja shumë të rënda për Buxhetin e Shtetit dhe paratë e taksapaguesve shqiptarë.


Në përputhje me standarded JTI

Video

SHIKO KANALIN NE YOUTUBE
×