ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Shqipëria e 8-ta në Europë për shërbimet online, Rama: Irani na sulmoi sepse jemi zhvilluar

16 October 2022, 15:09Politikë SHKRUAR NGA REDAKSIA VOX
Shqipëria e 8-ta në Europë për shërbimet online, Rama:
Edi Rama

Kryeministri Edi Rama ka nxjerrë të dhënat e raportit të Kombeve të Bashkuara për Zhvillimin Digjital të vendeve anëtare, ku Shqipëria renditet e 8-ta në Europë dhe e 19-ta në botë për Shërbimet Publike Online.

Sipas kreut të Qeverisë, këto të dhëna tregojnë të vërtetën e madhe dhe të mohuar masivisht, se Shqipëria e sporteleve me hekura, e turmave nëpër radha për të marrë një copë letër, e bakshisheve për çdo shërbim në sportel i takon të shkuarës.

Rama thotë se kushdo që flet përçart për sulmin kibernetik të Iranit mbi Shqipërinë harron 2 fakte. Sipas tij, jemi sulmuar se jemi zhvilluar dhe sulmi ka dështuar për shkak se kemi investuar.

Reagimi i plotë:

Këto tabela janë nxjerrë nga Raporti i Kombeve të Bashkuara për Zhvillimin Digjital të vendeve anëtare. Shqipëria renditet e 8-ta në Europë dhe e 19-ta në botë për Shërbimet Publike Online, një lajm shumë i bukur për t’u përcjellë nga kanalet e nga portalet që nxijnë përditë nga balta e gjysëm të vërtetave, sajesave, akuzave, sharjeve e banaliteteve gjithëfarësoj

Por më e rëndësishme akoma, një lajm për të vërtetën e madhe dhe të mohuar masivisht, se Shqipëria e sporteleve me hekura, e turmave nëpër radha për të marrë një copë letër, e bakshisheve për çdo shërbim në sportel i takon të shkuarës
Ka ende shumë për të bërë kundër korrupsionit dhe për forcimin e administratës, po ama për 1225 shërbime publike (95% e gjithë shërbimeve) vendi ynë e ka zhdukur korrupsionin, duke u ngjitur në pozicione që deri para disa vitesh as mund të imagjinoheshin, nga fundi i pusit ku e nisëm rrugën e Revolucionit Digjital

*Shumëkush flet përçart për sulmin kibernetik mbi Shqipërinë, duke harruar dy fakte të thjeshta, e para se jemi sulmuar pikërisht ngaqë jemi zhvilluar (po të ishim akoma me sportele në shi e në diell, s’do na sulmonin dot) dhe e dyta, se sulmi ka dështuar pikërisht sepse kemi investuar si duhet, duke bërë shumë me pak, e duke u renditur ndër vendet më të zhvilluara për shërbimet publike online


Në përputhje me standarded JTI

Video

SHIKO KANALIN NE YOUTUBE
×