Emërohet drejtori i ri i Shërbimit të Provës

Klevis Qose do të jetë drejtori i ri i Përgjithshëm i Shërbimit të Provës.

Qose është propozuar nga ministri i Drejtësisë Ulsi Manja, ndërsa emërimi i tij është miratuar në mbledhjen e sotme të Këshillit të Ministrave.

Klevis Qose ka mbajtur më herët postin e drejtorit të Shërbimit të Kontrollit të Brendshëm në burgje, ndërsa në postin e drejtorit të Shërbimit të Provës zëvendëson Ervin Hoxhën, i cili u emërua në krye të IKMT-së.