ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

“Jam plotësisht i pafajshëm”, nis seanca e parë e gjykimit për ish-udhëheqësit e UÇK-së në Hagë

3 April 2023, 10:14Kosova&Bota SHKRUAR NGA REDAKSIA VOX

“Jam plotësisht i pafajshëm”, nis seanca e parë e

“E kuptoj aktakuzën, jam plotësisht i pafajshëm”, kështu ka deklaruar ish-presidenti dhe ish-kryeministri i Kosovës Hashim Thaçi në Hagë. 

Të njëjtën gjë që kanë deklaruar edhe tre të pandehurit e tjerë Kadri Veseli, Jakup Krasniqi dhe Rexhep Selimi kur janë pyetur nga gjyqtari.

Në Dhomat e Specializuara ka nisur seanca e parë gjyqësore. Prokurori i Specializuar do të ketë maksimum pesë orë kohë për të mbrojtur rastin.

Prej nëntorit të vitit 2020, ish-krerët e UÇK-së, Hashim Thaçi, Kadri Veseli, Jakup Krasniqi dhe Rexhep Selimi, gjenden në paraburgim në Hagë të Holandës.

Dhomat e Specializuara dhe Zyra e Prokurorit të Specializuar të Kosovës, me seli në Hagë, janë krijuar pas votimit më 2015 nga deputetët e Kuvendit të Kosovës.

Ky institucion, që njihet edhe si Gjykata Speciale, heton krimet e pretenduara të pjesëtarëve të UÇK-së, të kryera ndaj pakicave etnike dhe rivalëve politikë nga janari i vitit 1998 deri në dhjetor të vitit 2000.

Në aktakuzën e Prokurorit të Specializuar ndaj ish-krerëve të UÇK-së, përmenden 40 lokacione ku dyshohet se u kryen krime.

Po ashtu, aty përmenden më shumë se 400 persona që dyshohet se janë ndaluar jashtëligjshëm, 102 të vrarë dhe 20 të zhdukur.

 


Në përputhje me standarded JTI

Video

SHIKO KANALIN NE YOUTUBE
×