ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Frika për një luftë tjetër, trupat gjermane mbërrijnë në Bosnje

17 August 2022, 00:40Kosova&Bota SHKRUAR NGA REDAKSIA VOX
Frika për një luftë tjetër, trupat gjermane
Ilustrim

Një kontingjent prej rreth tridhjetë ushtarësh gjermanë mbërritën në Bosnjë e Hercegovinë më 16 gusht si pjesë e misionit paqeruajtës të Bashkimit Evropian në shtetin e trazuar ballkanik. Ky veprim është kritikuar menjëherë nga Ambasada ruse.

Rikthimi i trupave gjermane në misionin e EUFOR-it për herë të parë në një dekadë pasqyron shqetësimin e Perëndimit mbi forcat centrifugale etnike dhe politike në Bosnje dhe rrezikun e mundshëm të përhapjes gjeopolitike të konfliktit nga lufta në Ukrainë.

EUFOR-i javën e kaluar njoftoi vendosjen e afërsisht 50 trupave të forcave të ushtrisë gjermane në ish-republikën jugosllave, e cila mbetet e ndarë në një federatë boshnjake dhe kroate dhe një entitet kryesisht serb i njohur si Republika Srpska, sipas kushteve të një armëpushimi të vitit 1995 të njohur ndryshe si Marrëveshja e Dejtonit.

Mbërritja e rreth 30 trupave shihet si “një demonstrim i mëtejshëm i përkushtimit të BE-së për një të ardhme të qëndrueshme, të begatë dhe evropiane për të gjithë qytetarët” e Bosnjës.

EUFOR-i tha pas mbërritjes së trupave gjermane në kampin Butmir se “kontingjenti i përparuar i personelit gjerman që mbërriti këtë javë pritet të pasohet nga trupa të mëtejshme të dislokuara në faza të ndryshme”.


Në përputhje me standarded JTI

Video

SHIKO KANALIN NE YOUTUBE
×