LETËR E HAPME/ Ejani në dialog të më dëgjoni si flas, ndryshe ju preva bursat, ju kalba në burg. Ju lutem!

 Kliko këtu për të tjera
Voxpress:

Dyshohet se abuzoi me vajza të mitura, Meghan Markle ndërpret përfundimisht kontaktet me të atin

25 October 2026, 12:30Lifestyle SHKRUAR NGA REDAKSIA VOX

Dyshohet se abuzoi me vajza të mitura, Meghan Markle ndërpret

Dukesha e Sussex-it, Meghan Markle, ka ndërprerë kontaktet me të atin, Thomas Markle, duke i dërguar një letër në të cilën i ka bërë të ditur se ajo dhe autoritetet ishin në dijeni të pretendimeve për abuzim seksual ndaj vajzave të mitura. Sipas burimeve pranë dukeshës, në letrën e dërguar vitin e kaluar, Meghan i ka komunikuar të atit se ai nuk do të takohet kurrë me nipërit e tij, Archie-n dhe Lilibet-in, duke i bërë gjithashtu të qartë se nuk do të kontaktojë më me të.

Letra dyshohet se i është dërguar Thomas Markle në vitin 2025, ndërsa ai ndodhej i shtruar në spital në Filipine, ku kishte pësuar amputimin e njërës këmbë. Korrespondenca shënon një tjetër kapitull në marrëdhënien e tensionuar mes babait dhe vajzës, të cilët janë “ftohur” me njëri-tjetrin që prej vitit 2018, kur Thomas Markle nuk mori pjesë në dasmën mbretërore të Meghan-it me princin Harry, duke përmendur problemet shëndetësore.

Sipas raportimeve të publikuara nga mediat britanike, letra përmbante referenca ndaj pretendimeve shqetësuese për të atin dhe faktit se autoritetet ishin në dijeni të tyre. Në një deklaratë të publikuar të premten, Meghan konfirmoi ekzistencën e letrës. Ajo nuk ka dhënë hollësi të tjera publike mbi të gjitha akuzat e përmendura në korrespondencë.

Rasti ka marrë një tjetër dimension pasi autoritetet në Filipine kanë konfirmuar se po hetojnë pretendimet që lidhen me Thomas Markle. Të premten, zyrtarë filipinas i thanë BBC-së se grupi i posaçëm për luftën kundër trafikimit të qenieve njerëzore dhe shfrytëzimit seksual të fëmijëve po merret me çështjen. Ndërkohë, ministri i Brendshëm i Filipineve, Jonvic Remulla, deklaroi veçmas se policia kombëtare kishte siguruar kompjuterin e Thomas Markle dhe do të kryejë një ekzaminim forensik dixhital për të verifikuar materialet që mund të përmbajë pajisja.

Sipas raportimeve, në banesën e mëparshme të Thomas Markle në Filipine dyshohet se janë gjetur imazhe të abuzimit seksual të fëmijëve. Policia britanike kishte informuar Meghan-in dhe princin Harry për pretendimet ndaj të atit në vitin 2019. Megjithatë, Thomas Markle, i cili jeton në Shtetet e Bashkuara, i mohon të gjitha akuzat për abuzim seksual ndaj të miturve dhe për posedim të materialeve të abuzimit seksual të fëmijëve.

Në një intervistë për gazetën britanike “Mail on Sunday”, Thomas Markle ka pranuar se gjatë vizitave të mëparshme në Filipine kishte paguar për marrëdhënie seksuale, por ka mohuar kategorikisht se ka kryer marrëdhënie me vajza të mitura ose se ka pasur në zotërim imazhe të abuzimit seksual të fëmijëve. Deklaratat e tij vijnë në një moment kur çështja po shqyrtohet nga autoritetet filipinase dhe britanike.

Marrëdhënia mes Meghan-it dhe të atit ka qenë prej vitesh e karakterizuar nga konflikte dhe mungesë komunikimi.


Në përputhje me standarded JTI

Video

SHIKO KANALIN NE YOUTUBE
×