LAJME TË NXEHTA/ Zbulohen gurë kontrabandë të fshehur në kontejnerët me kokainë!

 Kliko këtu për të tjera
Voxpress:

Tensione dhe përplasje te Ministria e Arsimit! Studentët kërkojnë largimin e deputetëve të PD

31 October 2026, 14:01Aktualitet SHKRUAR NGA REDAKSIA VOX

Tensione dhe përplasje te Ministria e Arsimit! Studentët

Studentët kanë refuzuar opozitën dhe kanë kërkuar largimin e deputetëve, të cilët marshuan nga Kryeministria drejt ministrisë së Arsimit, ku po zhvillohet protesta kundër kryeministrit Edi Rama.

Ata theksuan se protesta është e popullit dhe jo e partive që e kanë shkatërruar vendin ndër vite. Ata theksuan se Sali Berisha dhe deputetët e tij nuk duhet të marrin pjesë në protestën e tyre.

“Çdo qytetar janë të mirëpritur, deputetët duhet të shmangen se janë simbol i partive që pëfaqësojnë. Kjo protestë është e popullit. Ai që nuk është i mirëpritur është një person që vetë ekzistenca e tij simbolizon një parti. Nuk kemi penguar asnjërin që të vijë sepse është e drejtë kushtetuese që të protestojë. Ne nuk duam persona që janë simbol i partive që na kanë rrënuar në mënyrë specifike“, tha njëri nga të rinjtë.

Ndërsa një tjetër theksoi se që nga 31 maji, me protestën e Flamingove, ata kanë kërkuar largimin e Edi Ramës dhe të Sali Berishës.

“Kjo protestë që nga 31 maji ka qenë Edi Rama në burg dhe Berisha në burg. Çdo simpatizant i PD është i mirëpritur. Berisha dhe deputetët e tij në asnjë mënyrë”, shtoi një tjetër.

Një vajzë u shpreh se opozita duhet të heqë dorë nga deklaratat publike se është ajo që i ka nxjerrë të rinjtë në protestë, duke e akuzuar se po tenton që të përçajë iniciativën e tyre.

 “Mos na përçani. Unë jam dakord të jemi bashkë. Nëse jemi bashkë. Atëherë ju lutem mos i nxirrni deklaratat sikur PD po nxjerr studentët në protestë. Nxirreni se ju jeni me ne. Nuk pranojmë deklarata publike se PD ka organizuar protestën.”, tha ajo.


Në përputhje me standarded JTI

Video

SHIKO KANALIN NE YOUTUBE
×