LAJME TË NXEHTA/ Zbulohen gurë kontrabandë të fshehur në kontejnerët me kokainë!

 Kliko këtu për të tjera
Voxpress:

Një dosje për Prokurorinë e Posaçme - Afera e Majlinda Carës së Kurbinit, i jep tender Elvis Mirit me ofertën më të lartë! 

30 October 2026, 23:53Investigim SHKRUAR NGA REDAKSIA VOX
Një dosje për Prokurorinë e Posaçme - Afera e Majlinda
Majlinda Cara dhe Elvis Miri

Një aferë po ndodh në Bashkinë e Kurbinit, ku kryetarja Majlinda Cara i ka qepur letrat e një tenderi për Elvis Mirin, pronarin e kompanisë Vale Recycling, i arrestuar dhe hetuar për mashtrime në fitimin e parave publike. Kësaj herë rasti është më flagrant, duke qenë se Cara i ka dhënë tenderin e pastrimit të qytetit kësaj firme me ofertën më të lartë.

Vox News ka hulumtuar dokumentet e kësaj procedure, të cilat hedhin dritë se Cara e kishte ndarë mendjen më parë për t’ia dhënë Mirit këtë tender, pasi ka skualifikuar dy ofertat që ofruan më pak, për t’a shpallur fitues Vale me plot 99.2 % të fondit limit. Rasti meriton që të hetohet nga Prokuroria e Posaçme, duke qenë se kemi të bëjmë me një paracaktim fituesi.

Një dosje për Prokurorinë e Posaçme - Afera e Majlinda
Faksimile: Njoftimi i fituesit të tenderit në Bashkinë e Kurbinit, për shpalljen fitues të kompanisë Vale për tenderin e pastrimit

Dokumenti i mësipërm është njoftimi i fituesit të tenderit për pastrimin e qytetit të Kurbinit, i datës 29 tetor 2026. Procedura ka pasur si objekt pastrimin, grumbullimin dhe depozitimin e mbetjeve të ngurta dhe mirëmbajtjen e hapësirave dhe varrezave për Njësitë administrative Milot dhe Fushë Kuqe.

Fondi limit i procedurës ishte 75 milionë lekë të rinj pa TVSH, teksa në këtë tender bëri ofertë firma Silver me vlerë 58 milionë lekë. Kompania Rej ofroi 61 miionë lekë dhe firma e tretë, për nga vlera ishte ajo e Vale me plot 74 milionë lekë, ose plot 16 milionë lekë më shumë se oferta më e ulët.

Një dosje për Prokurorinë e Posaçme - Afera e Majlinda
Faksimile: Ofertat e kompanive në këtë tender, ku Vale ofroi 16 milionë lekë më shumë se firma Silver  

Nëse do të bëjmë një llogari me fondin limit dhe atë që akordoi firma Vale, fituese, del se ajo ka marrë plot 99.2 % të të gjithë fondit, duke lënë rrugës vetëm disa qindarka. Në dokument, Bashkia e Kurbinit shkruan se firma që ofroi më pak Silver, u skualifikua për shkak se s’kishte deklaruar të dhënat për mjetet.

Ndërkohë, firma Rej u skualifikua se s’kishte dorëzuar disa dokumente për punëtorë. Dyshimet janë se e gjithë procedura ka qenë një farsë që në fillim, pasi pronari i firmës Vale është nga zona e Kurbinit. Me lidhjet që ka bërë në zonë apo edhe me lidhjet me kryetaren Majlinda Cara, mori pothuajse të gjithë fondin limit të akorduar.

Elvis Miri ka qenë më parë i arrestuar dhe proceduar, për asgjësimin e mbetjeve spitalore. Por, që nga lirimi dhe më pas heqja e skualifikimit të firmës, ai ka arritur që të fitojë disa procedura me shumë zero, fillimisht në tenderat e asgjësimit të mbetjeve spitalore dhe tani në pastrimin e qyteteve.

©Copyright Vox News

Ky artikull është ekskluziv i Vox News, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Vox News dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×