KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Vjedhje e hapur me hemodializën pas përfundimit të koncesionit, tenderat shkojnë nga 50 në 4 milionë euro

12 October 2026, 19:37Investigim SHKRUAR NGA REDAKSIA VOX
Vjedhje e hapur me hemodializën pas përfundimit të koncesionit,
Foto ilustrim - Vox News

Operatori i Shërbimeve të Integruara Shëndetësore, një institucion i ngritur për të menaxhuar disa shërbime në shëndetësi, pas përfundimit të koncesioneve, ka pranuar hapur se me hemodializën do të vidhej hapur. Ndryshimi i ministres dhe më pas i OSHISH ka sjellë reduktimin e tenderëve nga 50 milionë euro në vetëm 4 milionë euro.

Dyshimet janë se, tenderi i mëparshëm i majmë ka qenë një aferë e madhe që po gatuhej në këto institucionet tona, ku paratë do të kanalizoheshin sërish te e njëjta firmë që kishte më parë koncesionin. Bëhet fjalë për Diaverum, një firmë e regjistruar në Suedi, ku dyshohet se pas saj qëndronte biznesmeni Klodjan Allajbeu, që drejton Spitalin Amerikan në Shqipëri.

Vjedhje e hapur me hemodializën pas përfundimit të koncesionit,
Faksimile: Tenderët që ka hapur OSHISH për hemodializën

Sipas dokumenteve që ka hulumtuar Vox News, OSHISH ka hapur disa procedura për hemodializën. Tenderi i parë është “blerje materialesh mjekësore dhe set për procesin e hemodializës, e ndarë në lote”.

Vlera është 345 milionë lekë, ndërkohë që kërkohen materiale mjekësore konsumi jo kimike dhe hematologjike. Gjithashtu kërkohen materiale mjekësore të konsumueshme.

Procedura e dytë është “blerje barnash për procesin e hemodializës e ndarë në lote”. Fondi limit është 18.9 milionë lekë. Nëse do të mbledhim këto shuma, vlera shkon në plot 4 milionë euro. Në tenderin e dytë kërkohen produkte mjekësore për çrregullime funksionale gastrointestinale, antidiarretikë, agjentë anti-inflamatore / anti-infektive intestinale.

Gjithashtu kërkohen integrator mineralë, zëvendësues të gjakut dhe solucione perfuzioni si dhe produkte mjekësore për traktin ushqimor dhe metabolizmin.

Vjedhje e hapur me hemodializën pas përfundimit të koncesionit,
Faksimile: Njoftimi i anulimit të tenderit të parë 50 milionë euro

Disa ditë më parë, i njëjti operator që shpalli tenderat e fundit, anuloi tenderin e majmë për ofrimin e shërbimit të hemodializës në 5 (pesë) qendra të hemodializës, të ngritura në spitalet Shkodër, Lezhë, Korçë, Vlorë dhe Elbasan, Marrëveshje Kuadër 48 muaj.

Vlera e tenderit ishte 4,591,430,480 lekë, ose rreth 50 milionë euro. Fillimisht u shpall fituese, kompania Diaverum, ndërsa më pas OSHISH e anuloi me arsyetimin se “në procedurat me një fazë nuk është dorëzuar asnjë ofertë e përshtatshme dhe konstaton se dokumentet e tenderit përmbajnë gabime ose mangësi të rëndësishme”.

©Copyright Vox News

Ky artikull është ekskluziv i Vox News, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Vox News dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×