REKORDI/ Plaku përgatitet për të kaluar i vetëm Atlantikun, mallëngjehet kombi

 Kliko këtu për të tjera
Voxpress:

Shqipëria zgjeron industrinë e mbrojtjes, nis projekti i fabrikës së “Guna Tactical”

15 Korrik 2026, 20:12Aktualitet SHKRUAR NGA REDAKSIA VOX

Ministri i Mbrojtjes, Ermal Nufi, së bashku me zëvendëskryeministren Albana Koçiu, kanë inspektuar ecurinë e punimeve në kantierin e kompanisë “Guna Tactical”, ku po zhvillohet një investim në sektorin e industrisë së mbrojtjes.

Sipas Ministrisë së Mbrojtjes, projekti synon krijimin e një kapaciteti modern prodhues për projektimin dhe prodhimin e veshjeve dhe aksesorëve për Forcat e Armatosura, Policinë e Shtetit, Policinë e Burgjeve, struktura të tjera të sigurisë, si dhe për partnerë nga vendet anëtare të NATO-s.

Gjatë vizitës, ministri Nufi e cilësoi investimin si një hap të rëndësishëm për zhvillimin e industrisë shqiptare të mbrojtjes dhe për forcimin e kapaciteteve kombëtare të sigurisë.

“Industria e mbrojtjes është një shtyllë e re e zhvillimit ekonomik dhe sigurisë kombëtare”, deklaroi Nufi, duke theksuar se projekti pritet të sjellë teknologji moderne, ekspertizë të specializuar dhe standarde bashkëkohore prodhimi.

Sipas tij, fabrika e re pritet të krijojë rreth 1 mijë e 200 vende pune dhe të ndihmojë në integrimin e industrisë shqiptare në zinxhirët ndërkombëtarë të furnizimit të sektorit të mbrojtjes.

Ministri nënvizoi se zhvillimi i kësaj industrie është një prioritet strategjik i Qeverisë, me synimin që Shqipëria të rrisë konkurrueshmërinë, kapacitetet teknologjike dhe bashkëpunimin me aleatët euroatlantikë.

“Investime të tilla kontribuojnë në ndërtimin e një industrie shqiptare të mbrojtjes më të fortë, më konkurruese dhe më të integruar me partnerët strategjikë dhe NATO-n”, u shpreh ministri Nufi.


Në përputhje me standarded JTI

Video

SHIKO KANALIN NE YOUTUBE
×