ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Përshtati lokalin për shitje droge, policia arreston 39-vjeçarin nga Patosi dhe i gjen 298 doza kokainë (EMRI)

24 August 2023, 16:43Aktualitet SHKRUAR NGA REDAKSIA VOX
Përshtati lokalin për shitje droge, policia arreston
Foto ilustruese

Një 29-vjeçar nga Patosi është vënë në pranga nga policia pasi kishte përshtatur lokalin për tregtimin e drogës.

Ai është shtetasi Ergest Faslliaj, i arrestuar në flagrancë me 298 doza kokainë, përziers, peshore elektronike dhe një këllëf pistolete.

Njoftimi i policisë:

Specialistët për Hetimin e Narkotikëve dhe shërbimet operacionale të DVP Fier, pas një hetimi disamujor, të kryer në bashkëpunim me Prokurorinë e Fierit, për një rast të përshtatjes së një lokali në Patos, për shitjen në doza, të drogave të forta, kanë finalizuar operacionin policor të koduar “Vëzhgimi”, si rezultat i të cilit u arrestua shtetasi E. F., 39 vjeç, banues në Margëlliç, Patos.

Gjatë kontrolleve të ushtruara në lokalin në pronësi të 39-vjeçarit, shërbimet e Policisë gjetën dhe sekuestruan në cilësinë e provës materiale, 298 doza të dyshuara të lëndës narkotike kokainë, një sasi të konsiderueshme perzirësish për këtë lëndë, një peshore elektronike, një shumë parash të dyshuar të përfituar nga shitja e dozave të lëndës narkotike, 1 këllëf pistolete dhe 2 celularë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme, për veprat penale “Prodhimi dhe shitja e narkotikëve”, “Përshtatja e lokalit për përdorim droge” dhe “Nxitja për përdorimin e drogës”.


Në përputhje me standarded JTI

Video

SHIKO KANALIN NE YOUTUBE
×