ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Parandalohet vrasja në Berat/ 36-vjeçari kërcënon me sëpatë të riun, arrestohet

11 December 2023, 10:44Aktualitet SHKRUAR NGA REDAKSIA VOX
Parandalohet vrasja në Berat/ 36-vjeçari kërcënon me
Foto ilustruese

Përshkallëzimi i një konflikti është parandaluar nga policia e Beratit.

Armando Fetahu është arrestuar pasi ka kanosur me sopatë pas një konflikti të çastit shtetasin A.P, 39-vjeç.

Konflikti ka ndodhur për parkimin. Mësohet se 36-vjeçari Fetahu, i ka thënë 39-vjeçarit ‘Pse më zure vendin e parkimit, këtu banoj unë dhe më takon mua vendi’.

Ndërhyrja e menjëhershme e shërbimeve të Policisë, parandalon përshkallëzimin e një konflikti ndërmjet 2 shtetasve, që mund të sillte pasoja për jetën.

Kanosi në rrugë, me sopatë, një 39-vjeçar, për motive të dobëta, kapet në flagrancë, teksa kryente kanosjen, dhe vihet në pranga 36-vjeçari.

Sekuestrohet mjeti prerës (sopatë) me të cilin kanosi i arrestuari.

Sapo janë njoftuar se në lagjen “Çlirimi”, një shtetas po kanoste një tjetër, me mjet prerës (sopatë), për shkak të një konflikti për motive të dobëta, ndërmjet tyre, shërbimet e Komisariatit të Policisë Berat kanë organizuar punën dhe kanë mbërritur menjëherë në vendngjarje.

Si rezultat i ndërhyrjes së menjëhershme, shërbimet e Policisë kanë parandaluar përshkallëzimin e konfliktit, që mund të kishte pasoja për jetën e shtetasve të përfshirë në të, si dhe kanë vënë në pranga shtetasin A. F., 36 vjeç, banues në lagjen “Çlirimi”.

36-vjeçari është kapur në flagrancë, në një rrugë të lagjes “Çlirimi”, teksa kanoste me mjet prerës (sopatë), shtetasin A. P., 39 vjeç, për shkak të një konflikti për motive të dobëta, ndërmjet tyre.

Si provë materiale, Policia ka sekuestruar mjetin prerës (sopatë), me të cilin u krye kanosja.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.


Në përputhje me standarded JTI

Video

SHIKO KANALIN NE YOUTUBE
×