ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Nis protesta 61-të në Tiranë, aktivisti: Ramës i ka hyrë frika, kjo protestë ka futur në konflikt PS-në!

30 July 2026, 20:16Aktualitet SHKRUAR NGA REDAKSIA VOX
Nis protesta 61-të në Tiranë, aktivisti: Ramës i ka
Pamje nga protesta

Protesta kundër qeverisë hyn sot në ditën e saj të 61-të, teksa edhe këtë pasdite qytetarët u mblodhën në sheshin Skënderbej dhe më pas u stacionuan para godinës së Kryeministrisë për të vijuar mobilizimin e përditshëm.

Edison Lika, një prej aktivistësve në protestën para Kryeministrisë, ka komentuar deklaratat e kryeministrit Edi Rama dhe vijimin e mobilizimit qytetar.

Lika u shpreh se, sipas tij, këmbëngulja e Ramës për të mos dhënë dorëheqjen tregon frikë nga presioni i protestës. “Sa më shumë del në media dhe thotë se nuk do të japë dorëheqjen, aq më shumë i ka hyrë frika”, deklaroi ai.

Duke folur për Partinë Socialiste dhe drejtimin e saj, Lika hodhi akuza të forta ndaj mazhorancës, duke pretenduar se protesta ka krijuar një përplasje brenda saj.

“Ai ka mbledhur partinë e tij, që është bandë kriminale. Rama ishte i vetmi që mund ta menaxhonte këtë strukturë, sepse ka atë aftësi”, tha Lika. Sipas tij, paralajmërimet se protesta do të sillte konflikt në shoqëri nuk qëndrojnë.

“Prej kohësh na thonin se kjo protestë do ta dërgojë Shqipërinë në një konflikt. Jo, kjo protestë e ka futur PS-në në një konflikt”, u shpreh ai.

Gjatë 60 ditëve të fundit, protestat janë shoqëruar me tubime, marshime në rrugët kryesore të kryeqytetit dhe thirrje të vazhdueshme për dorëheqjen e kryeministrit Edi Rama, zhvillimin e zgjedhjeve të lira dhe ndryshimin e mënyrës së qeverisjes.

 


Në përputhje me standarded JTI

Video

SHIKO KANALIN NE YOUTUBE
×