ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Nis gjykimi i dosjes “Metamorfoza” / Avokatët e Pëllumb Gjokës dhe Hasanbegajt kërkojnë kohë, seanca shtyhet në 21 janar

7 January 2025, 15:56Aktualitet SHKRUAR NGA REDAKSIA VOX
Nis gjykimi i dosjes “Metamorfoza” / Avokatët e Pëllumb
Pellumb Gjoka / SPAK

Ka nisur sot në Gjykatën e Posaçme (GJKKO), gjykimi në themel i dosjes “Metamorfoza”, pas vendimit të dhënë nga Gjykata Kushtetuese që i hap rrugë pranimit të mesazheve në aplikacionet e koduara si provë.

Avokatët e biznesmenit Pëllumb Gjoka kanë kërkuar kohë, si dhe kanë kërkuar të pritet deri sa të zbardhet i plotë vendimi i Kushtetueses. Kërkesa e tyre u pranua nga trupa gjykuese.

Seanca u shty për më 21 janar, teksa pezullohen edhe afatet e paraburgimit. GJKKO pranoi edhe kërkesën e ish-komisarit Ardit Hasabegaj, që kërkoi kohë për t’u njohur me aktet.

Biznesmeni Pëlllub Gjoka po mbrohet nga avokatët Ylli Manjani dhe Gurali Brahimllari.

Prokurori Altin Dumani, kërkoi vijimin e shqyrtimit gjyqësor dhe viktimat e veprës penale të quhen të njoftuar, pasi gjykata ka ezauruar rrugën ligjore.

Avokati i ish-shefit të policisë Adrit Hasanbegaj kërkoi shtyrje të seancës për shkaqe proceduriale, për të pasur kontakt me klientin dhe një mbrojtje efektive.

Në fund të diskutimeve, seanca e ardhshme u la më 21 Janar, kurse të pandehurve përfundimisht u pezullohen afatet e paraburgimit, për të shmangur edhe ngatërresat proceduriale apo djegien e këtyre afateve.


Në përputhje me standarded JTI

Video

SHIKO KANALIN NE YOUTUBE
×